
Li navçeyên Amedê govenda Newrozê hat gerandin 

2022-03-20 17:46:41


	&nbsp;

	AMED - Li navçeyên Amedê pîrozbahiya Newrozê hat lidarxistin û bi hezaran kes li derdora agir govend gerand.&nbsp;

	&nbsp;

	Li navçeyên Erxenî û Çinarê pîrozbahiyên Newrozê bi dirûşma "Dem dema serkeftinê ye" hatin lidarxistin.&nbsp;

	&nbsp;

	Erxenî

	&nbsp;&nbsp;

	Li navçeya Erxeniyê jî pîrozbahiya Newrozê li Qada Otogarê hat lidarxistin. Polîsan xwest pîrozbahiyê provoke bike. Polîsan bi îdiaya berzkirina dirûşman 8 kes binçav kirin. Her wiha polîsan destûr neda ku zarok beşdarî pîrozbahiyê bibin. Girseyê bertek nîşanî helwesta polîsan da.&nbsp;

	&nbsp;

	Hevşaredarê Erxenî Ahmet Kaya yê ji wezîfeyê hatiye girtin, ji bo dorpêça polîsan bê rakirin bi Midûrê Polîsan re hevdîtin kir. Midûrê Polîsan wiha bersiv da: “Ez dewlet im, wê binçavkirin bên kirin. Pişt re pîrozbahiyê bikin.”&nbsp;

	&nbsp;

	Welatiyek extiyar ku bertek nîşanî binçavkirinan da dirûşma “Bijî Serok Apo” berz kir. Kesek jî bi lêdanê hat binçavkirin.&nbsp;

	&nbsp;

	Rêveberên HDP’ê li ber avahiya xwe daxuyanî dan. Hevserokê HDP’a Erxenî Zulkuf Bîrgul diyar kir ku polîsan tehamûlî pîrozbahiya Newrozê nekirin û polîsan pîrozbahiya wan provoke kiriye.&nbsp;

	&nbsp;&nbsp;

	Parlamentera HDP’ê ya Amedê Dêrsim Dag jî anî ziman ku polîsên ku ji coşa gel tirsiya êrişî ciwanan kirin û &nbsp;dibe ku li Erxenî îro pîrozbahî hatibe provokirin lê sibê wê di Newroza Amedê bersiva vê yekê bê dayîn. Dêrsim&nbsp;

	hemû gelê Erxenî vexwend Newroza Amedê û got divê sibê gelê Amedê agirê azadiyê vêxe û peyama azadiyê bide.&nbsp;

	&nbsp;

	Çinar&nbsp;

	&nbsp;

	Li navçeya Çinarê jî li Parka Nûjiyan pîrozbahiya Newrozê bi kelecaniyek mezin hat lidarxistin. Parlementerê HDP’ê yê Amedê İmam Taşçier, Hevseroka HDP’a Amedê Gulistan Atasoy, rêveberên HDP’ê û DBP’ê û bi sedan kes tevli pîrozbahiyê bûn. Xelkê Çinarê bi kelecan hat qadê û dirûşma “Bijî serok Apo" berz kirin. Polîsan ji welatiyên ku şal û şepik li xwe kiribûn re astengî derxistin. Girseyê bertek nîşan da.

	&nbsp;

	Welatiyan li qadê govend gerand û kelecana xelkê her ku çû zêdetir bû. Girseyê bi berzkirina dirûşmên “Bijî berxwedana zindanan” û “Bijî Serop Apo” agirê Newrozê vêxist û li dora agir govend gerand.&nbsp;

	&nbsp;&nbsp;

	Parlamenter Îmam Taşçier axivî û diyar kir ku bi hezarên salan e kurd li Rojhilata Navîn li dijî zilm û zorê serê xwe radike û li ber xwe dide û got: “Dibêjin kurd tine ne, zimanê wan tine ye, vaye kurd li vir in û bi zimanê xwe bi hebûna xwe hene. Kurd li ser pêya ne û azadiya xwe dixwazin.”&nbsp;

	&nbsp;

	Îmam bal kişand ser tecrîdkirina Rêberê PKK’ê Abdullah Ocalan û got: “Birêz Ocalan got pirsgirêk bi rêya muzakere û aştiyê tê çareserkirin. Lê îro li ser Ocalan û hezaran girtî tecrîd heye. Divê tavilê ev tecrîd rabe. Em tecrîdê qebûl nakin.”&nbsp;

	&nbsp;

	Piştî axaftvanan, Koma Dengê Amara derket ser dikê ku stranên xwe bêjin lê polîsan astêngî derxist. Girse bi berzkirina dirûşmayan bertek nîşan da. Pîrozbahî bi gerandina govendê bi dawî bû.&nbsp;

	&nbsp;

	&nbsp;