
Li çar navçeyên Mêrdînê xebatên Newrozê

2022-03-18 16:08:37


	&nbsp;

	MÊRDÎN - Komîteya Amadekar a Newrozê ji bo pîrozbahiya fînalê li hemû navçeyan xebat dan meşandin. Li gundan û navçeyan li dora agir govend hate gerandin û banga beşdarbûna Newrozê hate kirin.

	&nbsp;

	Xebatên komîteya Amadekar a Newrozê ya Mêrdînê, bi wesîleya pîrozbahiyên di fînalê de bi dirûşma “Dem Dema Serkeftinê ye” bê pîrozkirin li navçeyan xebat dan meşandin.

	&nbsp;

	Kerboran

	&nbsp;

	Ji bo xebatên li Kerboranê werin meşandin rêxistina HDP'ê ya navçeyê, hevseroka giştî ya HDP 'ê ya Mêrdînê Perîhan Agaoglu, hevserokê DBP’ê ya Mêrdînê Weysî Parildi û parlementera HDP' ê Pero Dundar beşdar bûn. Komîte li gundên Xelîla, Deywan û navenda navçeya Kerboranê geriyan, li dora agir govend gerandin û bi dirûşmên “Bijî Newroz” re dawî li bernameyê anîn. Di heman demê de li navenda Kerboranê û gundan jî belavokên Newroza ku wê sibehê were lidarxistin hatin belavkirin.

	&nbsp;

	Nisêbîn

	&nbsp;

	Bi beşdarbûna rêxistina HDP, BDP’ê ya bajêr û navçeyê û bi beşdarbûna TJA’yê li navenda Nisêbînê belavokên Newrozê ji bo pîrozbahiya wê di 21’ê Adarê de li qada Newrozê ya Nisêbînê were kirin hatin belavkirin.

	&nbsp;

	Qoser

	&nbsp;

	Li Qoserê bi beşdarbûna parlementera HDP’ê Ebru Gunay û rêxistina navçe û ya bajêr re belavokên pîrozbahiya Newroza ku di 20’ê Adarê de li qada Newrozê dê pêk were hatin belavkirin. Di pêşengiya erbane û stranên Newrozê de ji avahiya HDP’ê ya navçeyê ber bi qada azadiyê ve meş hate lidarxistin.

	&nbsp;

	&nbsp;