
Qeymeqamiya Cizîrê lîstika kurdî qedexe kir 

2022-03-07 08:25:52


	&nbsp;

	NAVENDA NÛÇEYAN - Qeymeqamiya Cizîrê, nîşandana lîstika şanoyê ya kurdî ya bi navê "Mem û Zîn" qedexe kir. &nbsp;

	&nbsp;

	Qeymeqamiya Cizîrê, bêyî ku tu sedem nîşan bide lîstika şanoyê ya kurdî ya bi navê "Mem û Zîn" ya Şermola Performansê ku dê di 12'ê adarê de bihata nîşandan qedexe kir. Şermola Performansê, derbarê qedexeya qaymeqamtiyê de daxuyaniyeke nivîskî da û diyar kiriye ku qaymeqamiyê ji bo qedexeyê tu sedemek nîşan nedaye.&nbsp;

	&nbsp;

	Daxuyaniya Şermola Performansê bi tevahî wiha ye: "Lîstika me ya Mem û Zîn ji aliyê Qeymeqamiya Cizîrê ve bê sedem hat betalkirin. Lîstika Mem û Zîn, 12'ê Adarê, roja Şemiyê li Navenda Çandê ya Şaredariya Cizîrê wê bihata lîstin, lewre afîş, broşur û dawetiye hatibûn şandin, bi alîkariya gelek saziyan danasînên medyaya civakî hatibûn parvekirin û di 4'ê adarê de jî kirêya salonê li ser hesabê şaredariyê hatibû razandin. Lê piştî du rojan (06.03.2022) Qeymeqamiya Cizîrê bi rêya telefonê em agahdar kirin ku pêşandana lîstikê hatiye betalkirin."&nbsp;

	&nbsp;

	Şermola Performansê, bi derhêneriya Mîrza Metînî ev lîstik amade kiriye û ji 3'yê mijdara 2021'ê ve li Êlih, Amed, Riha û Qoserê 13 caran hatiye nîşandan.&nbsp;

	&nbsp;