
Li gundê Hesewîkê yê Şengalê şahiya 8'ê Adarê hat lidarxistin 

2022-03-06 15:08:09


	&nbsp;

	&nbsp;

	ŞENGAL - Li gundê Hesewîkê yê Şengalê jinan bi cil û bergên xwe yên gelêrî 8’ê Adarê pîroz kirin.

	&nbsp;

	Ji serê meha adarê ve li Şengalê amadekariyên 8’ê Adarê dest pê kirine û her deverên Şengalê bi afişên rengo reng hatiye xemilandin. Îro jî li gundê Hesewîkê yê li ser sînorê Şengal û Rojavayê Kurdistanê ku piranî pekhateyên ereb lê dijîn jinên ereb bi coşek mezin 8’ê Adarê Roja Jinên Cîhanê pîroz kirin. Bi sedan jinên ereb û êzidî bi cil û bergên xwe qada şahiyê xemilandin. Şahî bi axaftina Endama Tevgera Azadiya Jinên Êzidî Mehra Şengal dest pê kir.

	&nbsp;

	Mehra Şengal 8’ê Adarê li hemû jinan pîroz kir û got: “Rêya azadiya jinê bi yekîtiyê mîsoger dibe. Ji ber wê jî ew ê yekgirtina jinan pêk were û li ser wê xebatê xwe mezin bikin.”

	&nbsp;

	Hacer Helbûsî ya ji pêkhateya ereb jî roja 8’ê Adarê li hemû jinan pîroz kir û da zanîn ku jin bi hev re bi hêz in.

	&nbsp;

	Şahî bi gerandina govendê bi dawî bû.

	&nbsp;