
'Nobeta Edaletê' ya Îzmîrê 12 roj in didome 

2022-03-01 15:50:20


	&nbsp;

	ÎZMÎR - "Nobeta Edaletê" ya li Baroya Îzmîrê 12 roj in didome. Di çalakiya îro de malbatan banga serbestberdana girtiyan kir.&nbsp;

	&nbsp;

	Li Baroya Îzmîrê çalakiya "Nobeta Edaletê" ya malbatên girtiyan didome. 12 roj in malbatên girtiyan bi çalakiya xwe bal dikişînin ser binpêkirina mafên girtiyan û rewşa girtiyên nexweş. Malbatên ku tevlî nobetê bûn bangewaziya xurtkirina çalakiyê kirin.&nbsp;

	&nbsp;

	Sultan Yagmekan a ku tevlî nobetê bû bal kişand ser girîngiya 8'ê Adarê û got: "Em bang li jinan dikin ku di 8'ê Adarê de piştgiriyê bidin nobeta me. Em 8'ê Adarê û Newroza girtiyan û Gelê Kurd pîroz dikin. Em hêvî dikin ku hemû girtî azad bibin."

	&nbsp;

	Xaleta Rêzan Kaçar a li Girtîgeha Tarsusa Edenê girtiyê Fatma Kayan di nobeta îro de bal kişand ser rewşa girtîgehan û got: "Divê demildest deriyên girtîgehê bên vekirin. Her wiha divê tecrîda li Îmraliyê bê bidawîkirin. Em bang li hemû dayikan dikin ku piştevaniya çalakiya me bikin."&nbsp;

	&nbsp;