
Li Ewropayê jinan bi kincên reş komplo şermezar kir  

2022-02-15 18:47:15


	&nbsp;

	NAVENDA NÛÇEYAN - Bi armanca protestokirina komploya navneteweyî ya 15'ê Sibatê ya li dijî Rêberê PKK'ê Abdullah Ocalan, li paytexta Norwêcê Oslo, li bajarê Toulouse ê başûrê Fransayê û li bajarê Zurîh ê Swîsreyê çalakiyên cuda hatin lidarxistin.

	&nbsp;

	Li gelek bajarên welatên Ewropa kompoloya navneteweyî ya 15’ê Sibatê ya li dijî Rêberê PKK'ê Abdullah Ocalan bi çalakiyên cuda hate şermezarkirin.

	&nbsp;

	Norwêç

	&nbsp;

	Çalakiya ku ji aliyê Navenda Civaka Kurd a Demokratîk a Osloyê ve li Payitekxtê Norvec Osloyê hat organîzekirin &nbsp;saet di 10.00‘an de li Qada Karkeran dest pê kir. Hevseroka Meclîsa Gel a Osloyê Ayşe Yûce û Nûnerê PJAK'ê yê Norwêcê Şêrzad Çiya komploya navneteweyî ya di sala 1999'an de pêk hat û hêzên tevlî komployê bûne şermezar kirin.

	&nbsp;

	Di çalakiyê de ji bo PKK ji nava listeya “rêxistinên terorîst“ were derxistin îmze hatin komkirin.

	&nbsp;

	Fransa

	&nbsp;

	Bi heman armancê li bajarê Toulouse ê Fransa jî standa îmzeyan hate vekirin û komplo hate şermezarkirin.&nbsp;

	Di çalakiya standê de li ser rewşa Rêberê PKK'ê Abdullah Ocalan agahî hatin dayîn, jinên beşdarî çalakiyê bûn bi cilên reş 15’ê Sibatê şermezar kirin.

	&nbsp;

	Swîsre

	&nbsp;

	Li bajarê Zurîh ê Swîsreyê pêşangehek li ser paradîgmaya azadiya Rêberê PKK'ê hate vekirin. Bi pêşengiya Meclîsa Jinê ya Bêrîtan û rêxistinên ciwanan TCŞ û Teko-JIN, wêneyên Rêberê PKK'ê Abdullah Ocalan û fikrên wî yên li ser jin, demokrasî û azadiya ekolojîk li qada Staûffacherê hatin pêşandan.

	&nbsp;

	Çalakgeran da xuyakirin ku ew dixwazin ji bo Rêberê PKK'ê Abdullah Ocalan azad bibe, raya giştî ava bikin.

	&nbsp;

	Elmanya

	&nbsp;

	Li bajarê Frankfûrt ê Elmanyayê, bi boneya 23‘yemîn salvegera dîlgirtina Rêberê PKK'ê Abdullah Ocalan ku gelê Kurd weke "roja reş" pêşwazî kir, standa agahdarkirinê hat vekirin. Di çalakiya standê de belavokên têkildarî tenduristî û ewlehiya Rêberê PKK'ê Abdullah Ocalan û belavokên polîtîkayên tecrîdê yên dewleta Tirk vedibêjin hatin belavkirin. Di standa ku tê de pirtûk û broşurên jiyana &nbsp;Abdullah Ocalan jî hebûn 3 saetan dom kir.

	&nbsp;

	Kurdistaniyên li Frankfûrt û Offenbach dijîn serdana standê kirin û îmze hatin komkirin.

	&nbsp;