
Ji bo girtiyan li gelek bajaran daxuyanî hatin dayin  

2022-02-01 14:53:26


	&nbsp;

	&nbsp;

	NAVENA NÛÇEYAN - Ji ber binpêkirina mafên li girtîgehan û mirinên li girtîgehan li gelek bajaran daxuyanî hatin dayin. Di daxuyaniyan da hat ragihandin divê binpêkirina mafên li girtîgehan û mirinên li girtîgehan bi dawî bibin.&nbsp;

	&nbsp;

	Bi pêşengiya komeleyên malbatên girtiyan li gelek bajaran tecrîdkirina Rêberê PKK’ê Abdullah Ocalan, mirinên li girtîgehan û neberdana girtiyên nexwe û girtiyên cezayê wan qediyaye protesto kirin.&nbsp;

	&nbsp;

	Wan

	&nbsp;

	Komeleya Piştevanî û Alîkariya Malbatên Girtiyan û Hikumxwaran (TUHAY-DER) a Wanê li ber Kargeha Ovayê daxuyanî da. Rêveberên HDP’ê û DBP’ê piştgirî dan daxuyaniyê. Di daxuyaniyê de dirûşma “Bijî berxwedana zindanan” hat berzkirin.&nbsp;

	&nbsp;

	Îzmîr

	&nbsp;

	Bi pêşengiya EGE TUHAYDER’ê jî li Îzmîrê li ber nûnertiya DBP’ê daxuyanî hat ayîn. Rêveberên HDP, DBP, HDK, ÎHD, ANYAKAY-DER, Dayikên Aştiyê û aktîvîstên TJA’yê û gelek kes beşdarî daxuyaniyê bûn. Pankarta “Ji girtiyên nexweş re azadî, bila dawî li mirinên li girtîgehan were” hat vekirin. Dovîzên “Tecrîd sûcê mirovahiyê” û “ji girtiyên nexweş re azadî” hatin hildan.&nbsp;

	&nbsp;

	Stenbol

	&nbsp;

	Li Stenbolê jî bi pêşengiya MATUHAYDER’ê li ber Girtîgeha Bakirkoyê ya Jinan daxuyanî hat dayîn. Parlamenterê HDP’ê Zeynel Ozen, Dayikên Aştiyê û gelek kes beşdarî daxuyaniyê bûn. Pankartê “Ji girtiyên nexweş re azadî, bila dawî li mirinên li girtîgehan were” hat vekirin û dirûşma “Girtiyên siyasî rûmeta me ne” hat berzkirin. &nbsp;

	&nbsp;

	Edene

	&nbsp;

	Li Edeneyê jî li avahiya AATUHAY-DER’ê daxuyanî hat dayîn. Rêveberên HDP, DBP, AYKAY-DER û gelek kes beşdarî daxuyaniyê bûn.&nbsp;

	&nbsp;

	Mêrsîn

	&nbsp;

	Li Mêrsînê jî bi pêşengiya Çukurova TUAY-DER’ê li vahiya Rêxistina HDP’a Mêrsînê daxuyanî hat dayîn. Rêveberên HDP, Dayikên Aştiyê û gelek kes beşdarî daxuyaniyê bûn.&nbsp;

	&nbsp;