
Hevseroka DBP'ê ya Amedê Seval Gulmez hat binçavkirin 

2022-01-29 11:25:17


	&nbsp;

	AMED - Polîsan bi ser mala Hevseroka DBP'ê ya Amedê Seval Gulmez de girtin û ew kirin bin çavan.&nbsp;

	&nbsp;

	Polîsan vê serê sibehê avêt ser mala Hevseroka Rêxistina Partiya Herêmên Demokratîk (DBP) a Bajarê Amedê Seval Gulmez. Polîsan di çarçoveya lêpirsîna ji aliyê Serdozgeriya Komarê ya Amedê ve hatiye destpêkirin bi ser malê de girtin û lêgerîn pêk anîn. Polîsan piştî lêgerînê Sevalê kirin bin çavan û birin Midûriyeta Polîsan a Amedê.&nbsp;

	&nbsp;

	Nehat zanîn ku Sevalê ji ber çi sedemê kirine bin çavan. Sevalê bi koronayê ketibû û îro çawa ku karantînaya wê bi dawî bû, polîsan avêt ser mala wê.&nbsp;

	&nbsp;

	Dest xistin ser alavan

	&nbsp;

	Polîsan di 26’ê mehê de di çarçoveya lêpirsîna ji aliyê Serdozgeriya Komarê ya Amedê ve hatiye destpêkirin de bi ser avahiya Rêxistina DBP'ê ya Amedê de girtibûn û bi saetan lêgerîn kiribûn. Polîsan di serdegirtinê de dest danîn ser alên Tevgera Jinên Azad (TJA), hin kovar, pirtûk û rojnameyan desteser kiribûn. Polîsan heman rojê avêtibû ser mala Sevalê jî. Lê ji ber ew li nexweşxaneyê tedawiya koronayê didît nehatibû binçavkirin.&nbsp;

	&nbsp;

	Dîsa hat binçavkirin

	&nbsp;

	Sevalê di 5'ê nîsana 2021'ê de bi 26 jinan re hatibû binçavkirin û pişt re hatibû girtin. Sevalê bi îdiaya “endama rêxistinê ye” hat darizandin û di danişîna ewil a dozê de di 6’ê îlonê de hatibû berdan.&nbsp;

	&nbsp;