
Li sê bajaran 4 kes hatin binçavkirin

2022-01-28 12:46:17


	&nbsp;

	AMED - Polîsan li sê bajaran bi ser malan de girtin û herî kêm 4 kes kirin binçavan.&nbsp;

	&nbsp;

	Li navçeya Rezanê ya Amedê polîsan serê sibehê bi ser mala Dîlan Kartal de girtin. Polîsan kelûpelên malê belav kirin û dest danîn ser hin wêneyan û heqaret li ferdên malbatê kirin. Piştî lêgerîna li malê Kartal kirin binçavan û birin Midûriyeta Polîsan a Amedê. Hêceta binçavkirinê nehat zanîn.&nbsp;

	&nbsp;

	Sêrt

	&nbsp;

	Li navçeya Hawêl a Sêrtê jî polîsan avêt ser malekê û Yusuf Genç kirin binçavan. Hat zanîn ku Genç dê ji bo îfadeyê bibin Amedê.&nbsp;

	&nbsp;

	Êlihê

	&nbsp;

	Li Êlihê jî polîsan bi ser malekê de girt û kelûpelên malê li nava hev xistin. Polîsan Vedat Ozer û Vedat Guler ên endamên Meclîsa Ciwanan a HDP’ê kirin binçavan û birin Amedê.&nbsp;

	&nbsp;