
Şêniyên Hesekê piştî êrişên DAIŞ'ê dest bi nobedê kirin

2022-01-26 15:11:52


	&nbsp;

	NAVENDA NÛÇEYAN - Şêniyên li Hesekê piştî êrişa DAIŞ'ê ya li ser Hesekê dest bi nobedê kirin.&nbsp;

	&nbsp;

	Li Bakur û Rojhilatê Sûriyeyê piştî êrişa DAIŞ’ê ya li ser bajarê Hesekê, Rêveberiya Xweser li bajêr qedexeya derketina derve ragihand. Xelkê bajêr jî ji bo piştgiriya bi Hêzên Sûriyeya Demokratîk (HSD) û Hêzên Ewlekariya Hundirîn re di danê şevê de dest bi girtina nobedan kir. Kesên beşdarî nobedan dibin xwedî çekên bi rûxset in.&nbsp;

	&nbsp;

	Bi destpêkirina êrişa DAIŞ’ê ya li ser Hesekê re di navbera hêzên ewlekariyê û DAIŞ’iyan de pevçûn dest pê kiribûn. Li hêlekî operasyonên hêzên ewlekariyê berdewam in û li hêla din jî Rêveberiya Xweser ragihand ku dê li seranserî bajarên Bakur û Rojhilatê Sûriyeyê qedexeya derketina derve ya qismî bixin meriyetê.&nbsp;

	&nbsp;