Baroya Amedê û CHP çûn serdana malbata Gulistanê  

2022-01-21 16:46:38


	 

	 

	DÊRSIM - Çalakiya Malbata Gulistanê ya li ber Edliya Dêrsimê 21 roj in didome. Çalakî bi serdanan didome. 

	 

	Ji 5'ê çileya 2020'an ve agahî ji xwendekara Zanîngeha Mûnzûra Dersimê Gulistana Doku nayê wergirtin. Malbata Gulîstanê ji bo aqûbeta keça xwe li ber Edliyeya Dêrsimê çalakiya rûniştinê li dar dixe. Çalakiya malbatê di roja 21'an de berdewam kir. Ferdên malbatê wek her roj hatin ber edliyê û çalakî li dar xistin. 

	 

	Îro Serokê Baroya Amedê Nahît Eren, Koordînatora Navendî ya Mafên Jinan parêzer Zulal Işık, serokê Baroya Dêrsimê Kenan Çetîn, cigirê Giştî yê serokê CHP'ê Veli Agbaba, serokê Koma Meclîsê yê CHP'ê Ozgur Ozel, parlamenter Polat Şaroglu, Yuksel Mansur Kilinç û Aykut Erdogdu, rêveberên Rêxistina EMEP'ê ya Dêrsimê ji bo piştevaniyê hatin cihê çalakiyê. 

	 

	Di çalakiyê de Nîhat Eren û Ozgur Ozel axivîn û bal kişandin ser çalakiya malbatê. 

	 

	Her wiha kesên ku hatin serdana çalakiyê piştre çûn postexaneyê û li vir name ji hemû parlamenteran re şandin.