Platforma Ked û Demokrasî: Ji bo Gulhan Tekîn azadî 

2022-01-10 19:09:32


	 

	AMED - Platforma Ked û Demokrasiyê ya Amedê bi dirûşma “Xebatên sendikayî ne sûc e” û ‘Ji bo Gulhan Tekîn azadî’ daxuyaniyek dan û gotin: "Em careke din diyar dikin ku çalakiyên sendîkayî ne sûc e."

	 

	Platforma Ked û Demokrasiyê ya Amedê bi dirûşma “Xebatên sendikayî ne sûc e” û ‘Ji bo Gulhan Tekîn azadî’ li Parka Hazal a semta Ofîsê ya navçeya Yenîşehîra Amedê  daxuyaniyek dan. Pêkhateyên platformê beşdarî daxuyaniyê bûn. bûn û pankarta "Xebatên sendikayî ne sûc e” vekirin. Girseyî gelek caran dirûşmeyên “Zextên we me têk nabin” , “Em ê bi berxwedanê bi ser kevin” û “Bijî berxwedana kedkaran” berz kirin.

	 

	Metna daxuyaniyê ji hêla Hevseroka Sendîkaya Kedkarên Xizmeta Tenduristî û Civakî (SES) ya Şaxa Amedê Yildiz Ok Orak ve hate xwendin. 

	 

	Yildiz diyar kir ku polîtîkayên AKP û MHP’ê ya yekpetrest civakê her diçe aloztir dike û wiha axivî: “AKP a ku 19 sal in li ser desthilatdariyê ye, her kesên mîna weke xwe nafikire terorîst îlan dike û weke dijminatiyê nêzî wan dibe.

	 

	Hewldanên çavtirsandin, binçavkirin û cezakirina mûxalîfên ku mîna wî nafikirin bi krîmînalîze dike. AKP û MHP’ê ya ku di demên dawî de bi wan krîmînalîzekirinan re hewl da temenê xwe li ser desthilatdariyê dirêj bike û niha jî berjewendiyên wan li hev nakin.  Berpirsyariya krîza siyasî û aborî ya ku her roj kûr dibe dixe ser milê kedkar û gel.

	 

	Em careke din dibêjin; Em ê tu carî ji cihê ku em lê sekinîn e bi gavekê jî bi paş ve venegerin. Em daxwaz dikin ku Hevala me ya Gulhan a ku bi awayekî neheqî, bêhiqûqî û bê delîl hatiye girtin di 11'ê çileya ango sibê danişîna wê heye. Em hêvîne ku bê berdan. Em careke din diyar dikin ku çalakiyên sendîkayî ne sûc e.”