TJK - E bi armanca hesap bipirsê wê li qadan be 2022-01-03 13:59:19   NAVENDA NÛÇEYAN -TJK-E'yê plansaziya çalakiyên xwe yên ji bo kujerên Komkujiya Parîê bên darizandin eşkere kir û got, "Dem dema hesabpirsîna ji kueran e. Heta kujer bên darizandin em ê li qadan bin."   Tevgera Jinên Kurd a li Ewropayê (TJK-E) bi wesîleya salvegera 9'emîn a Komkujiya Parîsê ku di encamê de ji damezrînerên PKK'ê Sakîne Cansiz (Sara), Nûnera KNK'ê ya Parîsê Fîdan Dogan (Rojbîn) û endama Tevgera Ciwanên Kurd Leyla Şaylemez (Ronahî) hatin qetilkirin de daxuyaniyek da. Di daxuyaniyê de jinên li Parîsê hatin qetilkirin hatin bîranîn û wiha hate gotin, "Hêrsa me ya li hemberî komkujiyê mîna roja destpêkê teze ye, soza me ya hesabpirsîna ji kujeran derbasdar e."   Di berdewamiya daxuyaniyê de ev tişt hat gotin "Di salvegera Komkujiya Parîsê de em ê li dijî faşîzmê, sîstema bi serweriya mêr û qirkirina jinê, piştevaniya jinê ya global mezin bikin. Em ê nîşan bidin ku çi dibe bila bibe wê nikaribin pêşî li serhildana jinê bigirin."   TJK-E'yê di dirêjiya daxuyaniya xwe de destnîşan kir ku lêgerîna wan a li edaletê, heta hesabpirsîna ji kujerên komkujiyê wê dewam bike û got, "Bi dirûşma 'Heta ku edalet di tarîtiyê de bimîne Fransa sûcdar e' di serî de li Parîsê di 5 û 8'ê Çileyê de em ê li qadan bin û bêjin 'dem dema darizandina kujera ye'. Bi navê TJK-E'yê di şexsê Sara, Rojbîn, Ronahî û pêşengên xwerêveberiyê Sêvê, Pakîze û Fatma de em şehîdên xwe hemûyan bi rêz û minet bi bîr tînin û dibêjin, faşîzm tenê bi hevkariya jinan û gelan dikare bê bidawîkirin."   Herwiha TJK-E'yê diyar kir ku 5'ê Çileyê wê li tevahiya Ewropayê li pêşiya Konsolosxaneyên Fransayê çalakiyan li dar bixin û wê bang li dewleta Fransayê bikin ku berpirsyariyên xwe bi cih bîne. Her wiha di 8 û 9'ê Çileyê de jî di serî de li Ewropayê li gelek bajarên Ewropayê wê meş û mîtîng bên lidarxistin.   TJK-E'yê plansaziya çalakiyan eşkere kir û banga tevlîbûnê kir. Li gorî daxuyaniyê plansaziya çalakiyan wiha ye:   "Fransa Paris Navend Dem: 8'ê Çileya 2022 Saet: 12.00 Cih: Gare du Nord   Strasbourg  Dem: 8'ê Çileya 2022 Saet: 13.00 Cih: Strasbourg Gar   Marsilya Dem: 8'ê Çileya 2022 Saet:13.00 Cih: Canebiere/Marseille    Bordeaux Dem: 8'ê Çileya 2022 Saet: 13.00 Cih: PLACE STALINGRADE/Bordeaux   Toulouse Dem: 9'ê Çileya 2022 Saet: 14.30 Cih: Jean Jaurés Stasyona Metro /Toulouse   Elmanya Berlin: Dem: 8'ê Çileya 22 Saet: 14.00 Cih: Alexander Platz vor dem Roten Rathaus Frankfurt: Dem: 8'ê Çileyê  Saet: 14.00 Cih: Frankfurt HBF  Düsseldorf: Dem: 8'ê Çileyê Saet: 13.00 Cih: DGB Haus Friedrich-Ebert-Str.   Hamburg: Dem: 8'ê Çileyê Saet: 14.00 Cih: Sternschanze Bahnhof   Bremen: Dem: 8'ê Çileyê Saet: 16.00 Cih: Hauptbahnhof   Kiel: Dem: 8'ê Çileyê Saet: 15.00 Cih: Europlatz    Saarbrücken: Dem: 8'ê Çileyê Saet: 13.30 Cih: Europa Galerie   Stuttgart: Dem: 8'ê Çileyê Saet: 15.00 Cih: Lautenschlager Str.    Hannover: Dem: 8'ê Çileyê Saet: 14.00 Cih: HBF- Hannover   Swîsre   Basel: Dem: 8'ê Çileyê Saet: 14.00 Cih: De-Wette Park Elisabethenstrasse   Hollanda Amsterdam: Dem: 8'ê Çileyê Saet: 14.00 Cih: MuseumPlein 17, 1071DJ Amsterdam   Belçîka Brüksel: Dem: 8'ê Çileyê Saet: 14.00 Cih: Place De La Monnaie   Îngilistan London Dem: 9'ê Çileyê Saet: 13.00 Cih: Trafalgar   Awusturya Viyana: Dem: 8'ê Çileyê Saet: 16.00 Cih: Schwarzenberg Platz   Swêd Stockholm: Dem: 8'ê Çileyê Saet: 13.30 Cih: Norra Bantorget    Danîmarka Kopenhagen: Dem: 9'ê Çileyê Saet: 16.00 Cih: Kongens Nytorv 4, Kopenhag   Fînlandiya Helsinki: Dem: 9'ê Çileyê Saet: Cih: Kamppi   Norwêç Oslo: Dem: 8'ê Çileyê Saet: 14.00 Cih: Pêşiya Konsolosxaneya Fransayê   Qibris Limasol: Dem: 8'ê Çileyê Saet: 18:00 Cih: Moloz Park   Awusturalya Sydney: Dem: 9'ê Çileyê Saet: Cih: Town Hall."