
Ev cara 11'emîn e ku ji bo îfadeyê bang li Emîne Şenyaşar tê kirin 

2021-12-21 12:54:15


	&nbsp;

	&nbsp;

	RIHA - Ev cara 11'emîn e ku ji bo îfadeyê bang li Emîne Şenyaşar a 288 roj in "Nobeta Edaletê" didomîne, tê kirin

	&nbsp;

	Nobeta Edaletê ya Emîne Şenyaşar û kurê wê Ferît Şenyaşar ku di 9'ê adarê de dabûn destpêkirin di roja 288'an de didome. Di saetên zû yên serê sibehê de Emîne Şenyaşar û kurê xwe Ferît Şenyaşar li "Qoziya edaletê ya malbata Şenyaşar" ya li ber Edliyeya Rihayê dest bi nobeta xwe kirin. Piştî demeke kurt polis hatin cem malbatê û bi hinceta "heqaret li peywirdarê cemaweriyê" kiriye ji bo ku îfadeyê bide dozgeriyê cara 11'emîn Emîne Şenyaşar vexwendin edliyeyê.&nbsp;

	&nbsp;

	Hat hînbûn ku ji ber gotinên wê yên di roja 241'ê de ku bi seromê hatibû ber edliyeyê û di roja 245'emîn de ku zêdetirî 100 Dayikên Aştiyê hatibûn serdana wê Emîne Şenyaşar vexwendine îfadeyê.&nbsp;

	&nbsp;

	Ji bo îfadeyê derbasî edliyeyê bûn

	&nbsp;

	Kurê Emîne Şenyaşar, Ferît Şenyaşar bertek nîşanî vexwendina îfadeyê ya dayika xwe da û got ku wê dayika bersiva "Kê hevjîn û 2 kurên min kuşt" bide hemû pirsên li dozgeriyê jê bên pirsîn. Dayik û kurê xwe ji bo îfadedayînê bi parêzerên xwe re derbasî edliyeyê bûn.&nbsp;

	&nbsp;

	Parvekirina li ser hesabê medyaya sanal

	&nbsp;

	Malbata Şenyaşar, li ser hesabê xwe yê medyaya sanal jî Waliyê Rihayê Abduûllah Erîn, Wezîrê Edaletê Abdûlhamît Gul, Serokê Yekitiya Baroyên Tirkiyeyê (TBB) Erînç Sagkan û Parlamenterê AKP'ê yê Rihayê Ahmet Eşref Fakibaba etîket kir û ev parvekirin kir: "Em qerisandina li ber Edliyeya Rihayê tercîhê rûniştina li malê ya di bin zilmê de dikin. Bila ev jî şerma qalkirina hiqûq û edaletê ya li Tirkiyeyê be."&nbsp;