Ji Qada Îstasyonê banga 'Hikûmet îstîfa' hat kirin  

2021-12-18 16:53:10


	 

	 

	AMED - Li Amedê bi hezaran kedkar beşdarî mîtînga “Em nikarin debara xwe bikin” bûn. Di mîtîngê de polîtîkayên aborî yên hikûmetê hatin şermezarkirin û îstîfaya hikûmetê hat xwestin. 

	 

	Bi pêşengiya Konfedarasyona Sendîkayên Kedkarên Cemaweriyê (KESK) îro li Qada Îstasyonê ya navçeya Yenîşehîr a Amedê bi dirûşma “Em nikarin debara xwe bikin” mitîngek hat lidarxistin. Pêkhateyên Platforma Ked û Demokrasiyê ya Amedê, Partiya Sosyalîsta Bindestan (ESP), Partiya Kedkaran a Tirkiyê (TÎP), Partiya Mirovên Azad (PÎA), Partiya Komunîst a Kurdîstanê (KKP), Hevserokên Partiya Demokratîk a Gelan (HDP) ê ya bajarê Amedê Gulîstan Atasoy û Zeyyat Ceylan, Hevseroka Giştî ya Partiya Herêmên Demokratîk (DBP) Salîha Aydenîz, Tevgera Jinên Azad(TJA), partiyên siyasî û rêxistinên bajarên herêmê yên weke Amed, Mêrdîn, Riha, Sêrt, Êlih Meletî, Dîlok, Semsûr, Şirnex û Colêmêrgê jî beşdarî mîtîngê dibin. 

	 

	Di qada mîtîngê de girsê pankartên wekî “Divê budçeya wekhev bê sepandin", “Ji xizaniyê re na, bûdçeyek wekhev dixwazin”, “Em nikarin debara xwe bikin” hatin vekirin. Her wiha dirûşmên wekî "Bijî têkoşîna me ya bi rûmet”, “Bijî berxwedana kedkaran”, “Jin jiyan azadî”, “Bijî berxwedana zindanan” û “Heq, hiqûq û edalet wê bi berxwedanê pêk were” hatin berzkirin. 

	 

	Li ser navê komîteya amadekar Nasir Demîrkiran axivî û diyar kir ku ji rojên awarte derbas bûne û li dijî karker, cotkarî, jin, ciwan, esnafan darbeyên civakî û siyasî hatine kirin. Nasir da xuyakirin, ku polîtîkayên aboriyê yên ku hikumet dimeşîne, şert û mercên jiyanê bêtehemul dike. Nasir her wiha diyar kir ku desthilatdarî nasname û destkeftiyên jinan dike hedef û li malê, li kar, li hemû qadên din ên jiyanê jinên ku têne îstîsmarkirin û kuştin hene.

	 

	Hevseroka Giştî yê KESK'ê Şukran Kablan kesên ji çar aliyê welat hatin qadê bi hezkirin û rêzdarî silav kir. Şukran, wiha axivî: “Ji me dixwazin ku em bi vê krîzê sebir bikin. Û em dibêjin ku sebra me nema ye. Di heman demê de li qesrên veşartî di şertên luks de dijîn. Bi dolaran her tiştî îthal dikin, yên ku TL vediguherînin dolaran, bêexlaqî tê gotin. Paytexta qesrê bi xwe bêexlaq e. Bi gefên ku her roj bi zor û qedexeyan cezayên nû bidin me, hewl didin me bitirsînin. Hewl didin desthîlatdariya xwe bi zordariyê dirêj bikin. Bi ketina qadê û rêbazên lêgerîna tund hewl dan me asteng bikin, lê bêyî ku em paşde vegerin me cihê xwe li vir girt."

	 

	Şukran diyar kir ku li girtîgehan her roj cenazeyek tê û destnîşan kir ku zext û tecrîda li girtîgehan her roja ku diçe zêdetir dibe Behsa Garîbe Gezer kir ku herî dawî li Girtîgeha Girtî ya Jinan a Kandirayê bi gumanbarî jiyana xwe ji dest da. "Garîbe Gezer a ku hewl da zext, îşkence, tacîz û tecawizê ragihîne, bi gumanbarî jiyana xwe ji dest da. Yên ku ev li Garîbe kirin, heman bêhurmetî li cenazeyê wê jî kirin û qîma xwe bi wê jî neanî." 

	 

	Cîgira Hevserokên Giştî yên HDP’ê ku ji Komîsyona Kedê Berpirsiyar e Şaziye Kose  jî axivî û destnîşan kir ku hêviya gel nîşaneya serkeftinê ye. Şaziye, got: “Şîdet ji ber şîdetê girantir bûye. Xwezayê qetil dikin, gundiyan ji debara xwe dikin. Ji bo zindîbûna xwe di şevekê de mirov ji kar derxistin. Selahattîn Demîrtaş, Fîgen Yuksekdag, Sebahat Tûncel, Gultan Kişanak û bi dehan girtiyên siyasî wek rehine têne kirin. Heta ku em têkoşîneke yekbûyî neafirînin, em nikarin vê pergalê biguherînin.”

	 

	Şaziye, wiha dawî li axaftina xwe anî: “Ez dîsa kedkarên tenduristiyê silav dikim û pîroz dikim. cudakirin û statuya sektor ji holê rakirin û karsaziyek pêk anîn Em vê projeksiyonê li tevahiya qada kedê belav bikin. Wezîrê Aboriyê Nabatî dibêje em di heman botê de ne, na, em ne di heman botê de ne, hûn têk diçin, em geş dibin. Ez nabêjim îstifa bike ji ber ku dema wan a îstifayê jî nîne.”

	 

	Mîtîng bi stran û awazên Metin Kemal Kahraman bi dawî bû.