Ji bo azadiya Abdullah Ocalan banga çalakiyan hat kirin 2021-12-07 17:01:13     NAVENDA NÛÇEYAN - KCDK-E'yê ji bo azadiya Rêberê PKK'ê Abdullah Ocalan bang kir ku 11'ê kanûnê dakevin qadan.   Dîwana Hevserokatiyê ya KCDK-E'yê têkildarî 10'ê kanûnê Roja Azadî ji Abdullah Ocalan re ya Cîhanê daxuyaniyek weşand.   Di daxuyaniyê de wiha hat gotin: "Dewleta Tirk a faşîst ku taşeroniyê ji tecrîda navneteweyî re dike, bi rengekî bêperwa sîstema îşkenceyê dewam dike, ji bêdengiya saziyên Ewropayê û hêzên navneteweyî hêzê werdigire. Dewleta Tirk a faşîst tecrîd li ser Rêber Apo li tevahiya Tirkiye û Kurdistanê belav kiriye.   Biryara Komîteya Wezîran a Konseya Ewropayê ya têkildarî Rêber Apo gaveke girîng e, lê belê dema ku heta Îlona 2022'yan daye Tirkiyeyê demeke gelekî dirêj e ku nayê qebûlkirin.   Rêber Apo kesekî ji rêzê nîne. Rêber Apo hêviya Gelê Kurd û gelên Rojhilata Navîn e, li dijî şer yekane hêza çareseriyê ye. Bi paradîgmaya xwe bûye rêberê azadî û demokrasîxwaz ê ji bo gelên cîhanê."   Di şexsê Rêberê Gelê Kurd Abdullah Ocalan de li dijî gelên Tirkiye û Rojhilata Navîn, li dijî nirxên Gelê Kurd şer tê meşandin. Erdogan ê dîktator dixwaze bi komkujî û qirkirina gelan li ser piyan bimîne.   Tecrîda li ser Rêber Apo tê wateya şerê li dijî siberojên ji jiyana hevpar a gelan, azadî û mafên demokratîk. Ji ber vê yekê azadiya Rêber Apo tê wateya misogeriya aştiya civakî, demokrasî û azadiyê."   Sazî, rewşenbîr, kesayet û rêxistinên demokratîk, azadîxwaz, aştî û edaletê jî di nav de Însiyatîfa Azadî ji Abdullah Ocalan re 10'ê Kanûnê Roja Azadiya ji Abdullah Ocalan re ragihandin.   Bi wesîleya 10'ê Kanûnê Roja Azadî ji Abdullah Ocalan re ya Cîhanê wê çalakî bêne lidarxistin û di serî de Kurdistanî wê bi daxwaza azadiya Rêber Apo tevlîbûneke girseyî li çalakiyan bibe. Di vê çarçoveyê de çalakî wê 11'ê kanûnê bên lidarxistin.   Em bang li gelê Kurdistanê, rewşenbîr, hunermend, ekolojîst, parêzvanên mafên jinan, alîgirên azadî û demokrasiyê dikin ku tevlî çalakiyan bibin."