
TJA'yê banga tecrîdê li CPT'ê kir: Lêkolînek bi bandor bikin 

2021-12-03 13:28:50


	&nbsp;

	MARDÎN - Aktîvîstên TJA'yê li dijî tecrîda li Îmraliyê bang li CPT'ê kirin û gotin, "Li dijî kesên ku dixwazin têkoşîna azadiya jinê tune bihesibînin, rêya têkoşînê ji hilweşandina tecrîdê derbas dibe."&nbsp;

	&nbsp;

	Tevgera Jinên Azad (TJA) li Mêrdînê, derbarê tecrîda li ser Rêberê PKK'ê Abdullah Ocalan de daxuyanî da. Daxuyanî li ser navê jinên ku li ber avahiya Partiya Demokratîk a Gelan (HDP) kom bûn ji aliyê aktîvîsta TJA'yê Munevver Olker ve hat xwendin.&nbsp;

	&nbsp;

	Munevver diyar kir ku serlêdanên malbata Rêberê PKK'ê û parêzerên wî yên bêhejmar ên li Serdozgeriya Komarê ya Bursayê hatine kirin bê bersiv mane û got ku Abdullah Ocalan nêzî 23 salan e di bin tecrîdeke giran de hatiye hiştin. Munevver wiha berdewam kir, "Di kesayeta Birêz Ocalan de tê xwestin ku rêhevaltiya &nbsp;jinên kurd ên dîroka berxwedanê nivîsandine tune bikin. Tecrîda tê berdewamkirin di serî de jin li ser tevahiya civakê bandora xwe ya neyînî dike."

	&nbsp;

	Banga ji bo CPT'ê

	&nbsp;

	Munevver anî zima ku krîza aborî ya ku her diçe li ser civakî bandora xwe zêde dike encama neçareserkirina pirsa kurd e û got ku bia biryarên Dadgeha Mafên Mirovan a Ewropayê (DMME) pêk bên. Munevver bang li Komîteya Çavdêriya Îşkenceyaê (CPT) jî kir û wiha got, "Têkoşîna li dijî tecrîdê berxwendana li hemberî faşîzmê ye. Li dijî kesên ku dixwazin têkoşîna azadiya jinê tune bihesibînin, rêya têkoşînê ji hilweşandina tecrîdê derbas dibe."

	&nbsp;

	Daxuyanî, bi çepik û dirûşman bi dawî bû.&nbsp;

	&nbsp;