
Li Herêma Federal a Kurdistanê çalakiyên xwendekaran didome  

2021-11-25 11:47:58


	&nbsp;

	NAVENDA NÛÇEYAN - Li bajaroka Kifrî û navçeya Ranyayê xwendekarên zanîngeh û peymangehê cardin li dijî nedana xerciyê û nebûna xizmetguzariyan dest bi xwepêşandanê kirin.

	&nbsp;

	Li Herêma Federal a Kurdistanê, xwepêşandana xwendekarên zanîngeh û peymangehan a li dijî nedana xerciya mehane ya xwendekaran û nebûna xizmetguzariyan di roja pêncem de didome.

	&nbsp;

	Xwendekarên Zanîngeha Raperîn li navçeya Ranyayê dest bi xwepêşandanê kirin. Xwendekar diyar dikin heta daxwazên wan bi cih neyên wê xwepêşandanên wan berdewam bikin.

	&nbsp;

	Li bajaroka Kifrî ya Germiyanê jî xwendekarên zanîngeh-peymangehê û xwendekarên ku zanîngehê qedandine bi daxwaza dayîna xercî, xizmetguzarî û tayînkirinê dest bi xwepêşandanê kirin.

	&nbsp;

	Xwendekaran rêya sereke ya Kelar-Kifrî li trafîkê girtine.

	&nbsp;

	Pênc roj in li Silêmanî, Helebce, Koye, Seyîdsadiq, Hewlêr û Kelarê xwendekarên zanîngeh û peymangehan li dijî nedana xerciya mehane ya xwendekaran û nebûna xizmetguzariyên nava yurdan (malên xwendekaran) li qadanin û daxwaza mafên xwe dikin.

	&nbsp;