
Nobeta Edaletê ya Amedê di roja 7’emîn de ye 

2021-11-22 16:25:45


	&nbsp;

	&nbsp;

	AMED - Xizmên girtiyên nexweş di roja 7'emîn de çalakiya xwe ya "Nobeta Edaletê" didomînin. KÎD, serdana malbatan kir û diyar kirin ku divê her kes deng bide berxwedana malbatan.

	&nbsp;

	Nobeta Edaletê ya xizmên girtiyên nexweş, bi armanca ku balê bikişînên ser rewşa girtiyên xwe û şewitandina înfaza girtiyan li Baroya Amedê dabûn destpêkirin, di roja 7’emîn de berdewam dike. Hejmara malbatên girtiyên ên tevlî çalakiyê bûn zêde bûn. Îro jî xwişka Yahya Fîdan ê li Girtîgeha Ewlehiya Bilind a Hejmara 2’yan Amedê dimîne, Yasemîn Kaya û dayika Mehmet Yildirim ê li Girtîgeha Tîpa T a Bafrayê dimîne, Hazal Yildirim tevlî çalakiya nobetê bûn.&nbsp;

	&nbsp;

	Serdanên çalakiya nobetê ya malbatan jî didomin. Îro endamên Kongreya Îslamê ya Demokratîk (KÎD) serdana malbatan kirin.&nbsp;

	&nbsp;

	Endamê KÎD’ê Abdûlbarî Tiryakî di serdanê de axivî û got: "Em çalakiya malbatên girtiyan silav dikin. Rayedar dengê girtiyan nabihîzin. Ya girîng ew e ku mirov li derve tiştekê bike. Di vî warî de çalakiya we di cih de ye. Divê herkes dengê berxwedana li vir bilind bike.”

	&nbsp;

	&nbsp;