
TJA'yê derbarê çeteyên fuhuşê de daxuyanî da 

2021-11-21 12:44:50


	&nbsp;

	&nbsp;

	COLEMÊRG - TJA'yê derbarê çeteyên fuhuş û hişbirê yên li Colemêrgê ku di rojevê de ne daxuyanî da û li dijî van çeteyan banga berxwedan bi rêxistin kir.&nbsp;

	&nbsp;

	Di rojên borî de hatibû diyarkirin ku li navenda Colemêrg û navçeyên wê çeteyeke ku di nav de leşker û cerdevan jî hene bi rêya şantajê fûhuşê li jinan ferz dike heye. Di encama şantaja vê .çeteyê de jinek hat qetilkirin û li yekê jî întîhar hat ferzkirin. Derbarê fuhuş û bikaranîna hişbirê ya li herêmê ku di encama polîtîaya şerê taybet de zêde bûne Tevgera Jinên Azad (TJA) daxuyaniyeke nivîskî weşand.

	&nbsp;

	'Zêdetirî 40 sal in Kurd bi her cureyê şer re rû bi rû mane'

	&nbsp;

	Di daxuyaniyê de hat destnîşankirin ku hikûmet dixwaze hemû nirxên mirovahiyê binpê bike û hewl daye zemîneke ku rastî bêwate bibe ava kiriye. Di daxuyaniyê de hat diyarkirin ku kevneşopiya netew-dewletê ya sed salî ya li Tirkiyeyê mirovan ji bilî mirinê layiqî tu tiştekî din nabîne û wiha hat gotin, “Hikûmet tevî hemû hewldanên xwe li pêşberî rastiya civaka azad a jina azad bêçare maye. &nbsp;Ji ber vê yekê, rêbazên şerê taybet ên ku dê hemû nirxên exlaqî-çandî hilweşînin, têne sepandin. Gelê Kurd ev çil sal e bi her cure polîtîkayên qirêj ên şerê taybet re rûbirû maye. Xizanî, zordarî, tundî, kuştinên kiryar nediyar, valakirina gundan, girtin, sirgûnkiriê.... Bi polîtîkayên şerê taybet re her cure rêbazên ku exlaq û nirxên civakî ji holê radikin ên weke destdirêjî, destavêtin, fuhûş, bikaranîna hişbirê li dijî civakê wekî çek tên bikaranîn.

	&nbsp;

	'Nirxên civakî yên gel tên tunekirin'

	&nbsp;

	Di daxuyanî wiha hat berdewamkirin "Nêzîkatiya bêexlaq û hiqûqî ya li hemberî Ekîn Van, derxistiye holê ku mekanîzmaya dewletê li ser bedena jinê polîtîkayên qirêj çawa dimeşîne. Di demên dawî de Çetyeke fuhûşê ya ku li gund, navçe û navenda Colemêrgê peyda bûye heye. Li dijî van hemû polîtîkayên şerê taybet ê kirêt pêdivî bi têkoşîna rêxistinkirî heye. Em wekî jinên ku daxwaza civaka bi ehleq dikin dibêjin di serî de colemêrg em ê li ti deverê li heberî van pêkanînan bêdeng nemînin. Em ê vê tora êrîşê ku li hemberî rûmeta Gelê Kurd hatiye pêkanîn parçe bikin Û êrîşên wan vala derxînin."

	&nbsp;

	&nbsp;

	&nbsp;

	&nbsp;