KON-MED banga tevlîbûna çalakiyên 25'ê Mijdarê kir 

2021-11-19 14:12:35


	 

	NAVENDA NÛÇEYAN - Li Elmanyayê jinên kurd ji bo çalakiyên 25'ê Mijdarê xebatên xwe didomînin. Derbarê mijarê de KON-MED'ê daxuyaniyek da û banga tevlîbûna çalakiyan kir. 

	 

	Yekîtiya Jinên Kurd a Elmanyayê (YJK-E) ku bi ser rêxistina sîwan a TJK-E'yê ve ye, bi minasebeta 25'ê Mijdarê bi dirûşma ''Li dijî qirkirina jinê dema parastina civak û jina azad e'' wê bi qasî heftiyekê çalakiyan li dar bixe. Konfederasyona Civakên Kurdistanê yên li Elmanyayê (KON-MED) jî bi daxuyaniyeke nivîskî banga tevlîbûna çalakiyên YJK-E kir. 

	 

	Bi pêşengiya YJK'ê dê li Dussseldorf, Frankfurt, Munîh, Berlîn, Hamburg, Bremen, Kiel, Oldenburg, Hannover, Wuppertal, Koln, Mannheim, Saarbrucken, Darmstadt, Stuttgart, Freiburg, Dortmund û Duisburgê çalakiyên cuda bên lidarxistin.