'Dengê Ciwanan' li ser platformên medyaya dîjîtal dest bi weşanê kir  

2021-11-09 10:53:37


	 

	NAVENDA NÛÇEYAN - Tevgerên Ciwanan a Ewropayê bi navê "Dengê Ciwanan" li ser platformên medyaya dîjîtal dest bi weşanê kir. Ew ê 'Dengê Ciwanan' balê bikşîne ser têkoşîna ciwanan. 

	 

	Bernameya Dengê Ciwanan bi dirûşma 'Li pêşiya ciwanên ku dilê wan ji bo azadiyê lê dide tu hêz nikare bisekine" ji aliyê Tevgerên Ciwanan ên li Ewropayê ve hate destpêkirin. Bernameyê îro dest bi weşanê kir.

	 

	Tevgerên Ciwanan li ser mijarê daxuyaniyek da û gotin: "Berxwedêr îro li her devera cîhanê têdikoşin. Madem têkoşîn heye, madem berxwedêr bêdeng namînin, wê demê pêwîstî bi qadeke nû heye ku vî dengê berxwedêran bilind bike."

	 

	Li gorî daxuyaniyê, Bernameya Dengê Ciwanan wê hewl bide têkoşîna ciwanên Kurdistanê, ciwanên şoreşger, antî faşîs tû enternasyonal bigihîne tevahiya cîhanê.

	 

	Di dawiya daxuyaniyê de hate gotin, "Dengê Ciwanan dengê her kesî ye, dengê me hemûyan e. Tu jî tevlî tevnê bibe, têkoşînê mezin bike."

	 

	Di daxuyaniyê de hate ragihandin ku bi rêya van lînkan kesên bixwazin dikarin bibin aboneyê bernameyê:

	 

	* Twitter: https://twitter.com/dengeciwana

	* YouTube: https://www.youtube.com/channel/UCMwTxqvsjWxkgpAJubNO7kA

	* Instagram: https://www.instagram.com/genclikmikrofonu/