
Newaya Jin li Kolnê bi xwendevanên xwe re hat gel hevdu 

2021-11-08 08:38:33


	&nbsp;

	NAVENDA NÛÇEYAN - Rojnamevan Ulkem Zeremya diyar kir ku herî zêde çapemeniya jin a kurd li hemberî kodên zayendperestiya civakî weşangerî kiriye û têkildarê siyaseta weşanê ya rojnameya Newaya Jin agahî da.

	&nbsp;

	Rojnameya jin a Newaya Jin ku di meha mijdarê hejmara xwe ya 200’î derxist li bajarê Kolnê ya Elmanyayê bi xwendevanên xwe re civiya.

	&nbsp;

	Di civîna ku ji aliyê Meclîsa Jinê ya Viyanê hatibû organîzkirin de têkildarê asta derketina pêş a jinê ya di medyayan de, cudahiya weşangeriya jinê ya li hemberî kodên zayendperestî û naveroka rojnameya Newaya Jin nîqaş hatin kirin.

	&nbsp;

	Di civînê de Rojnamevan Ulkem Zeremya axivî û diyar kir ku êdî medya veguheriye mekanîzmayek biryarê li ser civakê dide.

	&nbsp;

	Her wiha bi bîr xist ku mîna Tirkiyeyê ku di mijara ‘herî zêde rojnamevan girtiye’ de rekor şikandiye, gelek hikumet hene ku zext li medyayê kirine û ew bêdeng kirine. Bibîrxistina vê yekê bal kişande ser daxuyaniya Neteweyên Yekbûyî ya têkildarê 62 rojnamevanan ku li ser erkê xwe hatine kuştin.

	&nbsp;

	Zeremya her wiha bal kişand ser rapora Azadiya Çapemeniyê ya Cotmehê ya Koalîsyona Jin a di Rojnamevantiyê de û bi bîr xist ku 40 rojnamevanên jin bi şîdet, gef û tacîzê re rû bi rû mane.

	&nbsp;

	Zeremya bal kişand ser girîngiya medyayê ya ji bo jinan û got ku Medya di çavê jinan de çeperek yê têkoşînê ye.

	&nbsp;

	Piştî axaftina Zeremya beşdaran nêrînên xwe parve kirin û têkildarê naveroka rojnameya Newaya Jin nêrîn, pêşniyar û rexneyên xwe anîn ziman.

	&nbsp;

	Wê civînên bi vî rengî 14’ê Mijdarê li Hanaû û Darmstadtê û 21’ê Mijdarê jî li Sîegenê were lidarxistin.

	&nbsp;