
'Nobeta Edaletê' di roja 239'an de didome 

2021-11-02 12:33:37


	&nbsp;

	RIHA - 'Nobeta Edaletê' ya ji aliyê Emîne û Ferît Şenyaşar ve li ber Edliyeya Rihayê dest pê kir di roja 239'an de didome

	&nbsp;

	'Nobeta Edaletê' ya ji aliyê Emîne û Ferît Şenyaşar ve li ber Edliyeya Rihayê dest pê kir di roja 239'an de didome. Malbat îro jî hat ‘Qada Edaletê ya Malbata Şenyaşar’ û nobeta xwe wê êdî li ser dirêncekên avahiya dadgehê bidomîne. Parêzerê malbatê Serhat Kûrt jî tevlî çalakiya malbatê bû.

	&nbsp;

	Ferît Şenyaşar di nobetê de bal kişand ser edaletê û wiha got: “Wezîrê Edaletê dibêje ‘Tişta ku avahiyê dike dadgeh ne tabela ye, edaleta paqij û lezgîn a di nava wê de ye’ Ma qey ev dadgeh ne girêdayî wezaretê ye? Zarok û hevjînê vê dayikê hatin qetilkirin, 8 meh in li pêşiya vê avahiyê ye. Çima edalet pêk nayê? Biryarên siyasî tên sitendin. Divê roj berî rojekê edalet pêk were.”

	&nbsp;

	Dema ku nûçegihanê Ajansa Mezopotamyayê xwest dîmenê qada çalakiya nobetê bigire, polîsan gotin: “Qedexe ye ku li dadgeh û dora wê dîmen were qeydkirin” û ew ji hewşa dadgehê derxistin. Emîne Şenyaşar û kurê wê Ferît Şenyaşar nobeta xwe ya li ser dirêncekên dadgehê didomînin.&nbsp;