
Xwendekarên li Başûr daketin qadan 

2021-10-30 12:07:31


	&nbsp;

	NAVENDA NÛÇEYAN - Li Silêmanî, Hewlêr, Koyê û Qeladizê xwendevan bi girseyî daketin qadan daxwaza heqê xwe kirin.

	&nbsp;

	Xwedevanên Dibistana Amadeyî ên tevlî ezmûnên zanîngehê bûn û piştî encamên wan eşkere bûn û şûnde li Silêmanî, Hewlêr, Koye, Qeladiz û Germiyan daketin kolanan û xwestin Wezareta Xwendinê pirsgirêka wan çareser bike.

	&nbsp;

	Piştî ku ezmûnên xwendevanên Dibistanên Amadeyî xilas bûn, encamên xwendevanan li ser înternetê hatin belavkirin. Xwendevan ji ber ku li gorî dixwestin ji bo beşên wan nehatin girtin, nerazîne û 4 roj in li kolanan daxwaza mafên xwe dikin.&nbsp;

	&nbsp;

	Silêmanî

	&nbsp;

	Xwendevan îro li ber derê rêveberiya Perwerdeyê ya Rojava ya li Silêmaniyê kombûn û heya ber derê avahiya Zanîngeha Nû ya Qalîsan meşiyan. Xwendevanan rê li trafîkê girtin û xwestin aliyên peywendîdar pirsgirêka wan çareser bike.

	&nbsp;

	Hewlêr&nbsp;

	&nbsp;

	Li Hewlêrê jî xwendevan bi heman armancê li ber derê avahiya Wezareta Xwendinê ya Bilind kombûn û daxwaza mafên xwe kirin.

	&nbsp;

	Koyê

	&nbsp;

	Li Koyeyê jî xwendevanan rê li trafîkê girtin. Xwendevan di çalakiyên xwe de dibêjin, ew biryara Wezareta Xwendinê red dikin û xwestin pirsgirêk were çareser kirin.

	&nbsp;

	Qeladiz&nbsp;

	&nbsp;

	Her wiha yek ji navendên din ên xwedevan daketin qadan Qeladiz bû. &nbsp;Xwendevan bi heman armancê li nav Baxê Giştî çalakiyek li dar xistin û rêya sereke ya Qeladizê li trafîkê girtin.