
Qeyûm tabeleya kreşa Zarokistanê guherand  

2021-10-27 12:48:24


	&nbsp;

	&nbsp;

	AMED - Qeyûmê Amedê tabeleya Kreşa Zarokistanê ya li navçeya Rezan ku bi kurdî û zaravayên wê perwerde dida zarokan guherand.&nbsp;

	&nbsp;

	Qeyûmê Amedê, tabeleya kurdî ya Zarokistana ku di sala 2014'an de ji aliyê Şaredariya Bajarê Mezin a Amedê ve li taxa Bagcilar a Rezanê hat vekirin û bi kurdî û zaravayên wê perwerde dida zarokan daxist û li şûnê tabeleya bi tirkî "Bagcilar Kreş ve Gunduz Bakimevi" daleqand.&nbsp;

	&nbsp;

	Tenê li cihekî tabelayê bi tîpên biçûk ku ji dûrî ve nayên dîtin bi kurdî "Mala Zarokan" hat nivîsandin. Balkêş e peyva zarokan jî şaş weke zarokan nivîsandine.

	&nbsp;

	Kreşa Zarokistan a ji aliyê Şaredariya Peyasê ve hatibû vekirin jî di 8'ê kanûna 2016'an de ji aliyê qeyûmê ku tayînî şaredariyê hatibû kirin ve hatibû girtin û hemû xebatkarên wê ji kar hatibû derxistin.&nbsp;

	&nbsp;

	Zarokistan ji aliyê şaredariyên Partiya Aştî û Demokrasiyê (BDP) ve hatibûn vekirin û dihatin fînansekirin. Perwerdeya wan bi kurdî bû û bernameya perwerdeya wan ji aliyê Miduriyeta Perwerdeyê ya Bajar ve dihatin kontrolkirin.&nbsp;

	&nbsp;

	&nbsp;