
70 roj in agahî ji endama RJAK'ê nayê girtin

2021-10-14 11:19:25


	&nbsp;

	NAVENDA NÛÇEYAN - Ev 70’ê roj in ji endama RJAK’ê Ciwana Ebdulbaqî agahî nayê girtin û aqûbeta wê nayê zanîn.

	&nbsp;

	Bi boneya 7'emîn salvegera fermana 3’yê Tebaxa 2014’an, şandeyek Rêxistina Jinên Azad yên Kurdistanê (RJAK), serdana Şengalê kiribû. Endamên şandeyê ku ji meclîsa RJAK’ê Xewla Mihemed Hesen û Ciwana Ebdulbaqî, endama RJAK’ê Seyran Ehmed Hesen pêkdihat, dema ji Şengalê vedigeriyan, di ketina Hewlêrê de ji aliyê çekdarên Partiya Demokratîk a Kurdistanê (PDK) ve li seytereya Kelekê hatin revandin.

	&nbsp;

	Endam û Rêveberên RJAK’ê di 5’ê tebaxê li seytereya Kelek ya Hewlêrê ji aliyê çekdarên PDK’ê ve tên revandin. Piştî 33 rojan di 6’ê îlona 2021’an de bi biryara dadgehê û kefalet endam û rêveberên RJAK’ê Xewle Mihemed û Seyran Ehmed hatin berdan.

	&nbsp;

	Lê endama din a RJAK’ê Ciwana Ebdulbaqî ev 70’ê roj in hîna nehatiye berdan û aqûbeta wê nayê zanîn. Asayîşa PDK’ê rê nade malbat û parêzer hevdîtinê li gel de bikin.&nbsp;