
'Nobeta Edaletê' ya Malbata Şenyaşar 216 roj in didome  

2021-10-10 12:51:51


	&nbsp;

	&nbsp;

	RIHA - Çalakiya 'Nobeta Edaletê' ya Malbata Şenyaşar 216 roj in didome. Di peyama îro ya malbatê wiha ye: "Mirov hatine qetilkirin, li holê doz tune ye! Wê ev dewran wiha berdewam neke."

	&nbsp;

	Nobeta Edaletê ya Malbata Şenyaşar ku 3 ferdên wê ji aliyê xizm û parastvanê Parlamenterê AKP'ê Îbrahîm Halîl Yildiz ve hatibûn qetilkirin, di 9'ê adarê de dabû destpêkirin di roja 216'an de berdewam dike. Emîne Şenyaşar û kurê xwe Ferît Şenyaşar, ji ber dawiya heftê çalakiya xwe li mala xwe ya li navçeya Pirsûs a Rihayê didomînin.&nbsp;

	&nbsp;

	Malbatê, li ser hesabê xwe yê medya sanal ev parvekirin kir: "Qet gumana me nîne wê edaleta îlahî cihê xwe bibîne! Dibe ku edaleta dinyayî bê derbaskirin; Lê teqez ew ê jî rojekê bi cih bê. 3 mirov hatine qetilkirin, li holê doz tune ye! Wê ev dewran timik wiha berdewam neke."

	&nbsp;

	&nbsp;

	&nbsp;