Meclisa Medya Dîjîtal banga beşdariya kampanyayê kir 

2021-10-08 13:32:36


	 

	NAVENDA NÛÇEYAN - Meclisa Medya Dîjîtal a Kurdistanê, diyar kir ku kampanyaya ji bo azadiya fîzîkî ya Rêberê PKK'ê Abdullah Ocalan dê îro li ser hemû platformên medyaya dîjîtal dest pê bike û banga beşdariyê kir.

	 

	Meclisa Medya Dîjîtal a Kurdistanê daxuyand ku îro kampanyaya hashtagê ya bi dirûşma "Ji Ocalan re azadî" li ser hemû platformên medyaya dîjîtal li gorî saeta Amedê saet di 20.00’an de dest pê dike.

	 

	Meclisê di daxuyaniya xwe de wiha da zanîn: “Wek Meclisa Medya Dîjîtal a Kurdistanê bi komployeke navneteweyî, di salvegera derxistina birêz Abdullah Ocalan ji Sûriyê de, kampanyaya hashtagê ya ku em ê di hemû platformên medyaya dijîtal de bidin destpêkirin, dê 8’ê Cotmehê (îro) li gorî saeta Amedê di 20.00’an de dest pê bike.

	 

	Em ê bi durişma 'Azadî wê bi ser bikeve' kampanyaya xwe bi rê ve bibin. Ji çar aliyên cîhanê bangên piştgiriyê hatin weşandin. Dirûşma 'Azadî wê bi ser bikeve' li 30 welatan deng veda.

	 

	791 siyasetmedar, parlamenter, nivîskar, dîroknas, rojnamevan, sendîkavan, hîndekar û akademîsyen ji bo azadiya birêz Abdullah Ocalan piştgirî dan kampanyaya me ya hashtagê.

	 

	Bi milyonan kes li çar aliyên cîhanê wê bi hevgirtina gelan a navneteweyî komployê têk bibin.

	 

	Em bang li hemû gelê xwe û dostên xwe dikin ku bi awayekî aktîf beşdarî kampanyaya azadiya birêz Abdullah Ocalan bibin.”