Meclîsa Jinê ya HDP'ê hat serdana ajansa me

2021-10-07 13:30:28


	 

	AMED - Meclîsa Jinê ya HDP'ê ya Amedê bi munasebeta 7'ê Cotmehê Roja Rojnamegerên Jin ên Kurd hat serdana ajansa me.

	 

	Komîsyona Kongreyê ya Bajêr a Meclîsa Jinê ya Partiya Demokratîk a Gelan (HDP) a Amedê bi munasebeta 7'ê Cotmehê Roja Rojnamegerên Jin ên Kurd serdana ajansa JINNEWS'ê kir. Jinên Roja Rojnamegerên Jin ên Kurd pîroz kirin dan zanîn zextên li ser rojnamegerên jin û astengkirina wan gelekî zêde bûne. 

	 

	Meclîsa Jinê bi lêv kir ku rojnameger pereçeyekî girîng ê têkoşîna jinê ye û got tevî hemû zext û astengiyan ew li gel hev in.