
Şandeya HDP'ê bi hevserokê YNK'ê re hevdîtin kir

2021-09-28 15:36:19


	&nbsp;

	&nbsp;

	&nbsp;

	NAVENDA NÛÇEYAN - Şandeya HDP'ê di çarçoveya temasên xwe yên li Silêmaniyê de bi Hevserokê YNK'ê Bafil Talabanî re hat gel hevdu.&nbsp;

	&nbsp;

	Şandeya Partiya Demokratîk a Gelan (HDP) bi serokatiya Cîgira Seroka Koma HDP’ê Meral Daniş Beştaş û Parlamenterê HDP’ê yê Dîlokê Mahmut Togrul, li Başûrê Kurdistanê ye.

	&nbsp;

	Şande duh li Silêmaniyê serdana Tevgera Goran û Cîgirê Hevserokê Hikumeta Herêma Kurdistanê Qubat Talabanî kiribû.

	&nbsp;

	Şandeya HDP’ê îro serdana Hevserokê Yekîtiya Nîştimana Kurdistanê (YNK) Bafil Talabanî kir û li gel wî civiya.&nbsp;

	&nbsp;

	Li gorî agahiyên hatine bidestxistin; di civîna her du aliyan de behsa rewşa Iraq, rewşa siyasî ya Herêma Kurdistan û Iraqê û hilbijartinên pêşwext yên Iraqê hatine kirin.

	&nbsp;

	Li gor agahiyan YNK'ê di civînê de bal kişandiye ser girîngiya yekîtiya neteweyî ya kurdan û hevsengiya zêdetir a di navbera aliyên siyasî yên Kurdistanê de. &nbsp;

	&nbsp;

	&nbsp;

	&nbsp;

	&nbsp;