
'Min gilî kir, kesekî dengê min nebihîst' 


2021-09-26 14:53:43


	&nbsp;

	NAVENDA NÛÇEYAN - Bi rêya bernameyeke televizyonê D.A. ya 17 salî anî ziman ji 12 saliya xwe ve malbata wê fihûş lê ferz kiriye û polîs jî di nava vê bûyera tecawizê de hene. D.A. got:"Min gilî kir, kesekî dengê min nebihîst."

	&nbsp;

	D.A. ya 17 salî &nbsp;li Gundê Gurpinarê ya navçeya Bûrçê ya Dîlokê dijî, di bernameyeke televîzyonê de, anî ziman ku ji 12 saliya xwe ve heta 16 saliya xwe, bav, dayik û birayê wê, bi zorê fihûş lê dane kirin. D.A., da zanîn ku ji 12 saliya xwe ve, gelek kesan tecawîzî wê kirine û malbata wê bi darê zorê tiryak daye wê. D.A., dest nîşan kir ku malbata wê û mêrên tecawizî wê kirine her tim lê dane, tundî lê kirine.&nbsp;

	&nbsp;

	Hem tecawizî wê hem jî tecawizî xwişka wê kirine

	&nbsp;

	D.A, di dewama bernameyê de, bi bîr xist ku dema dibe 16 salî, ji ber zexta dayika xwe bi Bahattîn A. ê 38 salî re dergistî dibe, hîna bi dergistîbû ji Bahattîn A. ducanî dibe û piştî dizewice jî, gelek mêr tecawizî wê dikin. D.A., diyar kir ku malbata wê û mêrên tecawizî wê kirine, li gund bûne çete û xwişka wê ku niha 15 salî ye jî, ji 10 saliya xwe ve tecawiz lê hatiye kirin.&nbsp;

	&nbsp;

	Polîs, bijîşk û mamoste jî di nav bûyerê de hene

	&nbsp;

	D.A., bi lêv kir ku mêrên tecawizê wê kirine temenê wan di navbera 15 û 65 salî de tê guhertin û bi gelemperî li gund rûdinin. D.A., got, di nava kesên tecawîzê wê kirin û xwestin ser bûyerê bigirin de polîs, bijîşk û mamoste jî hene.

	&nbsp;

	Derbarê malbat û tecawîzkaran de gilî dikin

	&nbsp;

	D.A., destnîşan kir ku piştî hevjînê wê Bahattîn A. fêrî rewşê dibe, derbarê malbat û tecawîzkaran de gilî dikin, ji Navenda Ragihandina Serokkomariyê (CÎMER) re nivîs nivîsandine û li Dîlokê serî li gelek saziyên fermî dane û gilî kirine. D.A., diyar kir ku herî dawî jî çûne Serdozgerya Komarê ya Enqereyê û gilî kirine. &nbsp;&nbsp;

	&nbsp;

	Min gilî kir, kesekî dengê min nebihîst

	&nbsp;

	Di seranserê bernameyê de, D.A a hem ji ber pirsên ku jê tên pirsîn û hem jî îfadeyên şahidên ku bi bernameyê ve tên girêdan, her tim digirî, wiha got: “Min gilî kir, kesekî dengê min nebihîst, kes li kêleka min nesekinî.”&nbsp;

	&nbsp;

	D.A. a 17 salî &nbsp;dema diaxivî rastî tundiya derûnî ya hevjînê xwe Bahhattîn A, jî dem bi dem dihat. Bahattîn A., dema ku D.A. diaxivî jê re got “derewan neke” û bi vî awayî D.A., sûcdar dikir.&nbsp;

	&nbsp;

	Maf û nepeniya zarokan hat paşguhkirin

	&nbsp;

	Di bernameyê de maf û nepeniya zarokan hat paşguhkirin. Dîsa pirsa navê xwişka D.A. 15 salî jê tê kirin û navê wê jî bi awayekî aşkere tê dayîn. Di heman demê de rûyê D.A. ya 17 salî û navê pitika wê jî bi vekirî tên dayîn. Bi vî awayî hem D.A. û hem jî pitika wê tên îstîsmarkirin. Pêşkêşvana bernameyê, weke ku ji bîr kiriye D.A. hîna zarok e, wiha jê rê dibêje: “Jixwe tu kesek rastî, tu van hemûyan nikarin bi daxwaza xwe bikî. Tu pir xweşik î.”&nbsp;

	&nbsp;

	Şahidên ku bi telefonê beşdarî weşana zindî bûn jî, dan zanîn ku D.A., hin caran ji bo kîloyek kartol, alavên înşaetê û hin caran jî, ji bo kîloyek masî bi zorê fihûş lê hatiye ferzkirin.&nbsp;

	&nbsp;