
Piştî 160 hefteyan dorpêça li ser Qada Galatasarayê hat rakirin 

2021-09-22 11:55:50


	&nbsp;

	&nbsp;

	STENBOL - Piştî 160 hefteyan dorpêça li ser Qada Galatasarayê ya ji bo çalakiyên Dayikên Şemiyê hatibû danîn, hat rakirin.

	&nbsp;

	Dayikên Şemiyê li Qada Galatasaraya Taksîma Stenbolê her rojên şemiyê li aqûbeta windayan dipirsîn û daxwaz dikirin ku kujer werin darizandin. Di hefteya 700’î de roja 25’ê tebaxa 2018’an Dayikên Şemiyê xwestin li Qada kom bibin. Polîsan êrişî dayikan kiribû û gelek dayik binçav kiribûn. Ji wê rojê ve polîsan Qada Galatasarayê bi bariyeran dorpêç kiribû.&nbsp;

	&nbsp;

	Qad 160 hefte bûn li Dayikên Şemiyê hatibû qedexekirin. Dorpêça li qadê duh bi şev hat rakirin. Polîsan bariyerên xwe yê li qadê rakirin.&nbsp;

	&nbsp;

	'Mafê kombûnê hatibû astengkirin'

	&nbsp;

	Seroka Komeleya Mafê Mirovan (ÎHD) a Şaxa Stenbolê Gulseren Yolerî hat qada ku dorpêç lê rabûye û anî ziman ku ji hefteya 700’î ve her hefte qad li wan hatibû qedexekirin û ji bo ev rewş bi dawî bibe serî li rayedarên darazê dabûn. Gulserenê diyar kir ku ev biryar ji bo wan pirsgirêkek cidî bû û mafê wan ê kombûnê û îfadeyê hatibû astengkirin û têkoşîna wan a heqîqet û edaletê jî hatibû astek qedexekirinê. Gulserenê destnîşan kir ku ew îro pir kêfxweş in ku qad hatiye azadkirin.&nbsp;

	&nbsp;

	Gulserenê anî ziman ku vê şemiya pêşiya wan wê çalakiya xwe ya heftane li Qada Galatasarayê li dar bixin.&nbsp;