
Li Sêrtê li dijî hemû astengiyan meş hat lidarxistin 

2021-09-13 19:40:20


	&nbsp;

	&nbsp;

	SÊRT - Bi pêşengiya MEBYA-DER ve MED-TUHAD-FED'ê de daxuyaniya ku bihata dayîn ji aliyê polîsan ve hat astengkirin. Li dijî hemû astengiyan gel bi dirûşmeyên berz kirin ve meş pêk anî. &nbsp;

	&nbsp;

	Bi pêşengiya Komeleya Çand, Yekitî, Piştevanî û Alîkariya Malbatên ku Xizmên xwe li Dergûşa Şaristaniyê Winda Kirine (MEBYA-DER) û Federasyona Komaleyên Hiqûq û Piştevaniyê ya Malbatên Girtî û Hukumxwaran a Amedê (Med Tuhad-Fed), bi dirûşma “Dem Dema Azadiyê ye” şahiya ku li Qada Newrozê ya taxa Azadiyê ya Sêrtê şahiya gel bihata lidarxistin. Lê ji ber destûr nehat dayin cihê wê hat guhertin û hat xwestin ku şahiya gel li ber avahiya HDP’ê ya Sêrtê bê lidarxistin. Waliyê Sêrtê bi hinceta qedexeya 15 rojan dîsa destûrê nedan ku şahî bê lidarxistin.

	&nbsp;

	MEDYA-DER û MED-TUHAD-FED, li dijî astengiyan li ber avahiya HDP’ê ya Sêrtê daxuyaniyê da. Hevserokê Kongreya Civaka Demokratîk (KCD) Berdan Oztûrk, Alîkara Hevserokên HDP’ê yên Giştî Feleknas Uca, parlamenterên HDP’ê &nbsp;Hûseyîn Kaçmaz, Habîb Eksîk û Siddik Taş, endamên Meclîsa Dayikên Aştiyê, aktîvîstên TJA’yê, Hevseroka Şaredariya Êlihê ku şûna wê qeyûm hat tayînkirin Songûl Korkmaz, rêxistina HDP’ê ya Êlihê, endam û rêvebirên HDP’ê yên navend û navçeyan û gelek kes tevlî daxuyaniyê bû.

	&nbsp;

	Beriya daxuyaniyê, avahiya HDP’ê ya Sêrtê ji aliyê polîsan ve hat dorpêçkirin. Girse, li dijî astengiya polîsan bi dirûşmeyên “Bijî Serok Apo”, “Jin Jiyan Azadî”, “Bi Berxwedanê em ê bi ser kevin”, “Bimre xiyanet” û “Bijî Berxwedana Zindana” berz kirin û bi stranan ve bertek nîşan dan. Di navbera parlamenter û polîsan de mûzakere hatin kirin.

	&nbsp;

	Girse li dijî astengiya meşiyan

	&nbsp;

	Polîsan, bi hinceta qedexeya walitiyê destûr neda ku heyet daxuyaniyê bide. Li dijî hemû astengiyan girseli li taxa Aydinlar bi dirûşmeyên “Bijî Serok Apo”, “Jin Jiyan Azadî” û “Bijî Berxwedana Zindana” berz kirin ve meş pêk anîn. Di dema meşê de gel bi nîşaneyên serkeftinê û çepikan eleqeyek mezin nîşan da. Meş heta avahiya HDP’ê berdewam kir.

	&nbsp;