
Ji girtiyên govend gerandin cezayê ragihandinê hat birîn 

2021-09-07 12:38:35


	&nbsp;

	&nbsp;

	
		&nbsp;
	
		ENQERE - Li Hevşaredara Qerayaziyê Melîke Goksû û 3 girtiyên jin ên li Girtîgeha Sîncanê ya Jinan girtî ne, ji ber strandina stranan û gerandina govendê mehek cezayê ragihandinê hat birîn.&nbsp;
	
		&nbsp;
	
		Hevşaredara Navçeya Qerayaziya Erziromê Melîke Goksû ku qeyûm li şûna wê hat bicihkirin, duh ji Girtîgeha Sîncanê ya Jinan ku lê girtî ye, telefonî malbata xwe kir.&nbsp;
	
		&nbsp;
	
		Melîkeyê di hevdîtina li gel malbata xwe de diyar kir ku mehek berê ji ber stran strandine û govend gerandine cezayê dîsîplînê li wê û li 3 hevalên wê yên girtî ku bi wê re di heman odeyê de ne, hat birîn.&nbsp;
	
		&nbsp;
	
		Cezayê ragihandinê hat birîn
	
		&nbsp;
	
		Melîkeyê diyar kir ku govenda gerandine û stranên ku wan strandine bûne hêceta lêpirsîna dîsîplînê û ji bo wê û 3 girtiyên din mehek cezayê ragihandinê hatiye dayîn.
	
		&nbsp;
	
		Li Hevseroka Kongreya Civaka Demokratîk (KCD) Leyla Guven û 10 girtiyên jin ên li Girtîgeha Xarpêtê ya Jinan girtî ne, bi hinceta ku wan jî bi kurdî stran strandine, mehek cezayê ragihandinê, danûstandinê û serdanê hatibû birîn.&nbsp;
	
		&nbsp;


	&nbsp;