
Malbata Dîcle Uzum cenazeyê wê bir Êlihê  

2021-09-03 16:11:13


	&nbsp;

	&nbsp;

	COLEMÊRG - Cenazeyê Endama YJA Starê Dîcle Uzum a li Colemêrgê jiyana xwe ji dest dabû, teslîmî malbata wê hat kirin.&nbsp;

	&nbsp;

	Cenazeyê endama YJA Starê Dîcle Uzum a di 26’ê Tîrmehê de, li herêma Meydanbelek a girêdayî Colemêrgê, di êrişa bombebarana balafirên şer de jiyana xwe ji dest dabû, teslîmî malbata wê hat kirin. Malbata di 27’ê Tîrmehê de hatibû Colemêrgê û ji bo cenazeyê keça xwe bigire, testa DNA’yê da bû. Malbatê piştî lihev hatina testê, duh serî li Serdozgeriya Komarê ya Colemêrgê da. Malbatê, cenazeyê keça xwe girtin û birin Êlihê. Malbatê, da zanîn ku cenazeyê keça xwe bi awayekê parçekirî teslîm girtiye. &nbsp;

	&nbsp;

	Di dîroka Dîcle Uzum jiyana xwe ji dest da de, hatibû diyarkirin ku endama YJA Starê Gulgeş Tatli birîndar bûye û bi birîndarî hatiye binçavkirin. Derbarê aqûbeta Gulgeş Tatli de, heta niha tu daxuyaniyek nehatiye dayîn. &nbsp;

	&nbsp;

	&nbsp;