
Şêniyên Mexmûrê bertek nîşanî êrîşê dan 'Çima tu kes dengê xwe dernaxe'  

2021-09-03 09:26:37


	&nbsp;

	&nbsp;

	MEXMÛR - Balafirek bê mirov û bi çek a arteşa tirk navenda bombebaran kir. Di êrîşê de tu windahiyên canî çênebûn, lê ziyan gihîşte malên derdorê.

	&nbsp;

	Balafirên biçek û bê mirov a arteşa tirk îro di saet derdora 08.18’an de navenda Wargeha Penaberan a Şehîd Rustem Cûdî (Mexmur) bombebaran kir.

	&nbsp;

	Li gorî agahiyên Ajansa Nûçeyan a Rojnews'ê, di êrîşê de tiştek li tu kesî nehat. Lê camên malên derdorê şikestin û ziyana maddî pêk hat. Ji ber dengê zêde yê bombebaranê, di nava zarokên wargehê de tirsek mezin çêbûye.

	&nbsp;

	Piştî êrîşê welatî li cihê êrîşê kom bûn û nerazîbûn nîşan dan. Dayikên ku hêrsa xwe anîn ziman, gotin “Ma dê heta kengî wiha êrîşî me bikin, çima tu kes dengê xwe dernaxîne?”

	&nbsp;

	Çav li rê ye ku Rêveberiya Wargeha Mexmûrê têkildarî mijarê daxuyaniyekê bide.

	&nbsp;

	Dewleta Tirk a dagirker beriya niha jî gelek caran êrîşî wargehê kiribû û gelek welatî jiyana xwe ji dest dabûn û birîndar bibûn.&nbsp;