
Meclîsa Jinan a Rûsyayê tecrîda li Îmraliyê şermezar kir 

2021-08-23 14:59:07


	&nbsp;

	&nbsp;

	NAVENDA NÛÇEYAN - Meclîsa Jinên Kurd ên li herêma Krasnodarê ya Rûsyayê li dijî tecrîdê daxuyaniyek da û polîtîkayên PDK'ê yên li hemberî herêmê jî şermezar kir.&nbsp;

	&nbsp;

	Jinên kurd ên li navçeya Platnîrovka ya herêma Krasnodarê ya Rûsyayê, tecrîda girankirî ya li ser Rêberê PKK'ê Abdullah Ocalan şermezar kirin. Jinan her wiha hevkariya Partiya Demokratîk a Kurdistanê (PDK) ya bi dewleta Tirk re jî şermezar kirin.

	&nbsp;

	Necîfe Ahmedova li ser navê Meclîsa Jinên Kurd a Krasnodarê axivî û anî ziman ku tecrîda girankirî kiryareke li dijî mirovahiyê ye û got: "Tirsa dewleta Tirk a faşîst ji bandora Rêberê Gelê Kurd li ser bûyerên li Kurdistan û Rojhilata Navîn e."

	&nbsp;

	Amedova di daxuyaniyê de berxwedana li zindanan silav kir û bal kişand ser êrişan û wiha axivî: "Her wiha polîtîkayên PDK'ê yên hevkariya bi dewleta Tirk re şermezar em şermezar dikin. Dewleta tirk a faşîst xwe dispêre xiyaneta Barzanî û her roj bombeyan li Şengalê û Rojava dibarîne; çi gerîla çi jî sivîl êrişî her kesên kurd dike."

	&nbsp;