
Dayika Aştiyê Fatma Urmiye jiyana xwe ji dest da  

2021-08-20 14:04:42


	&nbsp;

	&nbsp;

	MEXMÛR - Fatma Urmiye li Rojhilatê Kurdistanê di nav xebatên Dayikên Aştiyê de cih digirt, li Wargeha Penaberan a Mexmûrê jî di nav çalakiyan de her tim cih digirt. Fatma duh di encama qeyrana dil de jiyana xwe ji dest da.&nbsp;

	&nbsp;

	Fatma Urmiye (65) ya ku bi salan hem li rojhilatê Kurdistanê û hem jî li Wargeha Penaberan a Şehîd Rustem Cûdî (Mexmûr) di nav têkoşîna azadiyê de cih girti bû, duh li Wargeha Mexmurê di encama qeyrana dil de jiyana xwe ji dest da.&nbsp;

	&nbsp;

	Fatma Urmiye, bi eslê xwe xelkê rojhilatê Kurdistanê ye. 3 zarokên wê di nav tevgera azadiyê de ne. Fatmayê ku li Rojhilat di nav xebatên Dayikên Aştiyê de cih digirt, her tim bi zext û zordariya rejîma Îranê re rûbirû dima. Bi dehan caran hat girtin. Ligel zext û zilmê tu carî dev jî têkoşîna xwe berneda û zarokên xwe jî li ser esasê têkoşîna azadiyê mezin kir. Fatma di sala 2006'an de ji ber zextên rejîma Îranê neçar ma ku cih û warê xwe terk bike.&nbsp;

	&nbsp;

	Fatma berê xwe dide Herêma Federal a Kurdistanê û li Mexmûrê bi cih dibe. Serpêhatiyên Fatmayê li Mexmûrê xwe dighîne bi hezaran jinên ku li Mexmûrê bi cih bûne. Zext, zordarî, şîdet, girtin û kuştin ji bo jinên Mexmûrê û ji bo Fatmayê bûye sedema berxwedan û têkoşînê. Fatma li vir wekî dayikên Mexmûrê tevlî çalakiyan dibû û têkoşîna xwe ya azadiyê didomand. Her wiha Fatma li Mexmûrê bi paşnavê Apocî dihat nasîn.&nbsp;

	&nbsp;

	Ji bo Fatmayê tişta herî esasî xwedîderketina li pakrewanên azadiyê û Rêveberê PKK'ê Abdullah Ocalan bû. Fatma heta dawiya emrê xwe her tim Kurdistaneke azad xeyal dikir û her wiha daxwaza wê ya sereke jî azadiya Abdullah Ocalan bû. Fatma tu carî jiyaneke bêrûmet qebûl nedikir û li ser vê esasî li ber xwe dida.

	&nbsp;

	Fatma duh şev ji ber qeyrana dil jiyana xwe ji dest da û bi tevlîbûna sazî û dezgehên Mexmûrê Fatma bi merasîmeke girseyî hat definkirin.&nbsp;