
Li Êlih û Mêrdînê 10 kes hatin binçavkirin  

2021-08-15 13:44:46


	&nbsp;

	&nbsp;

	MÊRDÎN/ÊLIH - Li Êlih û Mêrdînê, di serdegirtina malan de hevserokên HDP'ê û serokên komeleyên suryaniyan jî di nav de 10 kes hatin binçavkirin.&nbsp;

	&nbsp;

	Serê sibê li navçeyên Mêrdîn û Êlihê di serdagirtina malan de 10 kes hatin binçavkirin. &nbsp;

	&nbsp;

	Li navçeya Hezoyê ya Êlihê di çarçoveya lêpirsîneke ku derbarê wan de hatibû destpêkirin de polîsan li navçeya Hezoyê Hevserokên Partiya Demokratîk a Gelan (HDP) ên navçeya Berjîn Altan, rêveberê HDP'a navçeyê Mehmet Baz û endamê Meclisa Şaredariyê Îmadedîn Dînler binçav kirin û birin Miduriyeta Polisan a Navçeyê.

	&nbsp;

	Li Mêrdînê jî di çarçoveya lêpirsîneke ku ji ber xebatên Kongreya Civaka Demokratîk (KCD) ji aliyê Serdozgeriya Komarê ya Mêrdînê ve hatibû destpêkirin de polîsan li navçeyên Dêrik, Qoser, Midyad, Şemrex û Mehsertê bi ser malan de girtin û gelek kesan binçav kirin.&nbsp;

	&nbsp;

	Di serdegirtinan de Hevseroka HDP'ê ya Navçeya Dêrikê Selma Ozcan, rêveberên HDP'ê Şenol Şan, Tevfîk Akyol, Dersim Yavûz û Diyar ku paşnavê wî nehat hînbûn; li navçeya Midyadê de jî serokê Komeleya Jinan a Suryaniyan Teodora Ozdemîr û serokê Komeleya Yekitiya Suryaniyan a Mêrdînê Yûhanna Aktaş hatin binçavkirin û wan birine Miduriyeta Polisan a Mêrdînê.&nbsp;

	&nbsp;