
Nobeta 'Edaletê' di roja 159'an de didome: Mirovatî vê zilmê qebûl nake 

2021-08-14 10:57:07


	&nbsp;

	RIHA - Emîne û lawê wê Ferît Şenyaşar ên têkoşîna xwe ya edaletê didomînin gotin:"Mirovatî vê zilmê qebûl nake."

	&nbsp;

	Bi êrişa xizm û parêzvanên Parlamenterê AKP'ê Îbrahim Halil Yildiz hevjîn û lawên Emîne Şenyaşar hatin qetilkirin û lawê Ferît jî bi birîndarî filitî. Nobeta edaletê ya Emîne û lawê wê Ferît Şenyaşar a li ber Edliyeya Rihayê di roja 159'an de didome. Ji ber avahiya edliyeyê îro girtîye loma malbatê li mala xwe ya Pirsûsê nobeta xwe didomîne.&nbsp;

	&nbsp;

	'Mirovatî vê zilmê qebûl nake'

	&nbsp;

	Malbatê li ser hesabê xwe yê medyaya sanal dîmenê di dema serdana piştgiriyê ya Şaxa Amedê ya Konfederasyona Sendikayan a Kedkarên Cemaweriyê (KESK) de hatibû kişandin bi vê peyamê parve kir:"3 canên li Nexweşxaneya Dewletê hatine qetilkirin hene. Dev ji siyaset û meqamê berdin hema carekê xwe têxin dewsa me. Mirovatî vê zilmê qebûl nake. Bêedaletî û betonkirin wê welat ber bi karesatê ve bibe û dibe jî. "

	&nbsp;&nbsp;

	&nbsp;