
Parêzerên Abdullah Ocalan banga lezgîn li CPT'yê kirin  

2021-07-27 10:33:37


	&nbsp;

	STENBOL - Parêzerên Rêberê PKK’ê Abdullah Ocalan ji bo qedexekirina hevdîtinên parêzer, malbat û vasî ya bi Ocalan re bi dawî bibe serî li CPT’iyê dan. Di serlêdanê de ji bo tecrîd bi dawî bibe û pêşiya hevdîtina were vekirin bang li CPT’iyê hat kirin ku wezîfeya xwe bike.&nbsp;

	&nbsp;

	Li gor nûçeya Ajansa Mezopotamyayê (MA) Buroya Hiqûqê ya Sedsalê, ji bo qedexeya li ser hevdîtina parêzer, malbat û wasiyê Rêberê PKK’ê Abdullah Ocalan bi dawî bibe serî li Komîteya Şopandin û Pêşîlêgirtina Îşkenceyê ya Ewropayê (CPT) da. Di serlêdanê de hat gotin qedexeyên hevdîtinê di meha adar, nîsan, gulan û hezîranê de bi awayekî sîstematîk dewam kiriye û ev rewşa heyî li dijî destûra bingehîn û peymanên navneteweyî ye. Di serlêdanê de ji bo tecrîd bi dawî bibe û pêşiya hevdîtina were vekirin bang li CPT’iyê hat kirin ku wezîfeya xwe bike.&nbsp;

	&nbsp;

	Parêzeran di serlêdanê de her wiha têkildarî serlêdanên ji bo Abdullah Ocalan û Hamîlî Yildirim, Omer Hayrî Konar û Veysî Aktaş ên li gel wî tên ragirtin û bersivên wergirtine û ji bo dawîkirina tecrîdê hin daxwaz jî pêşkêş kirine.&nbsp;

	&nbsp;

	Bersiva serlêdanê nehatiye dayin

	&nbsp;

	Di metna serlêdanê de cih dane serlêdanên ji bo Serdozgeriya Komarê ya Bûrsayê û di tevahiya 4 mehan de ne erênî û ne jî neyînî bersiva serlêdana wan a hevdîtinê nehatiye dayîn. Di vê demê de herî kêm her car 4 parêzeran 68 caran serî li dozgeriyê dane û bira û wasiyê Abdullah Ocalan jî ji bo hevdîtinê 20 caran serlêdan kirine. Di metna serlêdanê de hat gotin parêzer ji 7’ê Tebaxa 2019’an ve û malbat jî ji 3’yê Adara 2020’an ve heta niha qet hevdîtin nekirine.&nbsp;

	&nbsp;

	Li Girtîgeha Îmraliyê Rewşa Awarte didome&nbsp;

	&nbsp;

	Di serlêdanê de hat destnîşankirin ku li Girtîgeha Îmraliyê Rewşa Awarte didome û hevdîtinên telefonê jî birêkûpêk pêk nayên û xetereya têkildarî rewşa Ocalan berdewam dike. Di serlêdanê de hat gotin hemû biryarên derbarê Ocalan û girtiyên din de hatine girtin ne hiqûqî ne û ev biryar di çarçoveyên polîtîk de tên girtin. Di serlêdanê de hat diyarkirin ku biryarên tên girtin kes nikare rave bike û parêzer nikarin naveroka dosyeya biryaran fêr bibin. Parêzeran di serlêdanê de got hemû îtîrazên wan ên ji bo biryarên li Îmraliyêt ên girtin ji aliyê 1’emîn Dadgeha Cezayê Giran a Bûrsayê ve tên redkirin. Parêzeran got her çiqas wan bi şexsî serî li Dadgeha Destûra Bingehîn (AYM) dabe jî lê derbarê serlêdana xwe de tu bersiv wernegirtine.

	&nbsp;

	Tecrîd berdewam dike&nbsp;

	&nbsp;

	Di serlêdanê de hat diyarkirin ku qedexeya hevdîtina telefonê û desteserkirina nameyan ango nedana nameyan ji bo miwekîlên wan jî berdewam dike. Parêzeran di metna serlêdanê de destnîşan kir ku qanûnên destûra bingehîn li Îmraliyê nayê sepandin û ji ber vê yekê tecrîd berdewam dike û hat diyarkirin ku daraz û îqtidar di tecrîdê de dest dane destê hev û bi hev re tecrîdê pêk tînin.&nbsp;

	&nbsp;

	Dê wek muameleya xerab û dij mirovane derbasî qeydan bibe.&nbsp;

	&nbsp;

	Di metna serlêdanê de hat destnîşankirin ku li tevahiya girtîgehên Tirkiyeyê ji bo tecrîd bi dawî bibe bi hezaran girtî di greva birçîbûnê ya bêdawî û bidorveger de ne û tevî bang û daxuyaniyên Komîteya we jî tecrîd didome û daxwazên girtiyan nayên qebûlkirin. Di serlêdanê de hat gotin 768 hiqûqzanên li Tirkiyeyê kampanya îmzeyan a li dijî tecrîdê ku qebûl nakin dane destpêkirin û hiqûqzan ji bo mafên bingehîn werin pêkanîn bang li rayedaran dikin. Di serlêdanê de hat destnîşankirin ku têkiliya Ocalan û girtiyên li cem wî her cûre riyên pêywendî danînê bi cîhana derve re hatine qedexekirin û qedexekirina li ser hevdîtina parêzer, malbat û wasî ku bi awayek sîstematîk berdewam dike dê wek muameleya xerab û dij mirovane derbasî qeydan bibe.&nbsp;

	&nbsp;

	Daxwazên parêzeran

	&nbsp;

	Parêzeran di serlêdanê de ji bo bidawîkirina îşkence û sepanên muameleya xerab bang li CPT’iyê kirin û xwestin wezîfeya xwe pêk bîne. Ev daxwazî ji CPT’iyê hatin kirin:

	&nbsp;

	“* Divê Komîteya we bi awayek lezgînî serdana Grava Îmraliyê bike.&nbsp;

	&nbsp;

	* Divê serdana parêzeran tavilê pêk were û her tim berdewam bike.&nbsp;

	&nbsp;

	* Lazim e hevdîtina malbatê û vasî her tim pêk were û cezayên dîsîplînê yên dijhiqûqî werin bidawîkirin.&nbsp;

	&nbsp;

	* Li gel mafê serdanê divê mafê axaftin bi telefonê jî bi cih were anîn.&nbsp;

	&nbsp;

	* Lazim e astengiyên li pêşiya name û faksan werin bidawîkirin.&nbsp;

	&nbsp;

	* Pêwîst e astengiyên li pêşiya rojname, kovar û pirtûkan ku sepanên dijhiqûqî ne werin bidawîkirin.&nbsp;

	&nbsp;

	* &nbsp;Em bi lezgînî daxwaz dikin ku îşkence, sepanên dijmirovane û muameleya xerab werin bidawîkirin û tevdîr û prosedur werin bikaranîn û bikevin meriyetê.&nbsp;