Dewleta Tirk 2 jin ji Girê Spî revandin 

2021-07-25 12:40:15


	 

	 

	NAVENDA NÛÇEYAN -Çavkaniyeke herêmî ji kantona Girê Spî ya dagirkirî ragihand ku dewleta tirk 2 jin ji Girê Spî revandine.

	 

	Çavkaniyeke herêmî ragihand ku istîxbarata dewleta tirk bajarokên Silok û Turkman ên kantona Girê Spî dorpêç kir û piştre welatiya bi navê Emîne El-Hebîb a Ereb ji bajarokê Silokê, her wiha welatiya bi navê Ebîr Hisên El -Îsa ji bajarokê Turkman a kantonê, revandine.

	 

	Heman çavkaniyê destnîşan kir ku hêzên dagirker herdu jinên revandin, birin baregeheke leşkerî ya dewleta tirk a li Girê Spî  û heta niha jî çarenûsa wan ne diyar e.

	 

	Çavkaniyên herêmî ji ajansa ANHA'yê re eşkere kiribûn ku jinên kantonê di zindanên li kantonê de hatibûn îşkencekirin.