Çalakiya greva birçîbûnê di roja 241'ê de ye 2021-07-25 09:35:24     NAVENDA NÛÇEYAN - Çalakiya greva birçîbûnê ya li dijî tecrîda li ser Rêberê PKK'ê Abdullah Ocalan û binpêkirina mafan ku di 27’ê Mijdara 2020'î de li girtîgehên Tirkiyeyê û herêmê hatibû destpêkirin di roja 241'ê de berdewam dike.    Çalakiya greva birçîbûnê ya li dijî tecrîda ku 22 sal e li Gîrtîgeha Tîpa F a Îmraliyê li ser Rêberê PKK'ê Abdullah Ocalan berdewam dike û binpêkirina mafên girtiyan ku di 27’ê Mijdara 2020'î de ji aliyê girtiyên PKK'yî û PAJK'ê ve li girtîgehên Tirkiyeyê û herêmê hatibû destpêkirin  di roja 241'emîn de berdewam dike. Çalakiya ku ji 5 rojan carekê dewerî komeke din dihat kirin ji 14'ê Tîrmehê ve ji 15 rojan carekê dorveger bi koma 47 emîn berdewam dike.    Çalakî li Yewnanistanê di roja 203'emîn de ye    Çalakiya ku penaberên li Kampa Lavrîo ya Yewnanistanê dimînin jî ji bo bidawîkirina tecrîda li ser Rêberê PKK'ê Abdullah Ocalan û piştgiriya çalakiya greva birçîbûnê ya li girtîgehan ku dabûn destpêkirin jî dewam dike.  Ev çalakî 203 roj in didome. Tevgera Ciwanên Şoreşger (TCŞ), Tevgera Jinên Kurdistanê ya Ewropayê (TJK-E) û Navenda Çanda Kurdistanê pêşengiya çalakiyê dikin.