
DEDAŞ'ê li Dêrikê têlên ceyranê birî û dîrekên ceyranê rakir 

2021-07-13 15:19:28


	&nbsp;

	&nbsp;

	MÊRDÎN - DEDAŞ'ê tevî cendirmeyan bi ser gundên Dêrikê de girt û têlên ceyranê yên bîrên avê birî. Her wiha dîrekên ceyranê jî rakir.&nbsp;

	&nbsp;

	Şîrketa Belavkirina Ceyranê ya Dîcleyê (DEDAŞ), bi hinceta "deynên ceyranê" bi hejmareke zêde cendirmeyan re bi ser gundên navçeya Dêrikê ya Mêrdînê de girt û li gundên Qubilme û Êlaska têlên ceyranê yên bîrên avê birî û dîrekên ceyranê rakir. Xebatkarên DEDAŞ'ê têlên ku birîn û dîrekên ku rakirin li qamyonan bar kirin û bi xwe re birin.&nbsp;

	&nbsp;

	Cotkar Emrûllah Ayav, diyar kir ku îttîrazî deynên ku DEDAŞ'ê ji wan re derxistiye kirine û pêvajoya dadgehê dane destpêkirin. Emrûllah, da zanîn ku pêvajoya dadgehê didome û li dijî pêkanînên DEDAŞ'ê jî serlêdana xwe ya tevdîrê kirine û dema ku li benda bersivê bûne DEDAŞ û cendirmeyan bi ser wan de girtine.&nbsp;