
Ji bo Denizê helbest hat nivîsandin 

2021-06-23 11:32:38


	&nbsp;

	AMED - Girtiya bi navê Saadet Akin, ji bo Denîz Poyraz a ku hat qetilkirin helbesteke ku nivîsî şand û ji malbata wê re jî peyama, "Sekna dayika Fehîmeyê û têkoşîna wê moral û hêz da me. Tişta ku gelan bibe serkeftinê jî ev sekin e" şand.

	&nbsp;

	Bi êrişa faşîst Onur Gencer a di 17'ê Hezîranê de ya li ser Rêxistina Partiya Demokratîk a Gelan (HDP) Deniz Poyraz hatibû qetilkirin. Gelê kurd li her derê xwedî li Denizê derdikeve û bertekên xwe didomîne. Girtiya siyasî ya li Girtîgeha Jinê ya Sîncanê Saadet Akin li ser Denizê helbestek nivîsand. Di hevdîtina heftane ya malbatê de Saadetê helbesta ji bo Denizê nivîsandibû xwend û ji bo malbata Denizê sersaxî xwest.&nbsp;

	&nbsp;

	Saadetê da zanîn helbesta wê nivîsandiye ew di şexsê Denizê de diyarî kesên di têkoşîna demokrasî û azadiyê de jiyana xwe ji dest dane. Saadetê ev peyam ji malbata Denizê re ragihand:

	&nbsp;

	"Di destpêkê de serê hemû gelê me û malbata rêhevala me Denizê sax be. Wekî dayika wê got 'Denizek çû wê bi hezaran Deniz bên','Hevrînek çû wê bi hezaran Hevrîn bên'. Ew ê ev têkoşîn bidome. Heta ala azadiyê li her derê kil bibe ev têkoşîn ew ê bidome. Hevala Denizê û her rêhevalên ji me re bûne ronahî wê her dem rêya me ronî bikin. Em jî li vir vê sozê didin. Em ê bi ser bikevin.

	&nbsp;

	Em ji dayika Fehimeyê re û ji hemû dayikên serî hildidin silavên xwe dişînin. Sekin û têkoşîna dayika Fehîmeyê ji bo me bû moral û hêz da me. Ya ew ê serkeftinê bîne û gelan bike yek ev sekin e. Dîsa ya moral û hêz da ev sekin e. Careke din serê dayika Fehîmeyê sax be. Em li hember gelê kurd ê serî hildide bejna xwe ditewîne."

	&nbsp;

	Helbesta Saadetê ya bi kurdî nivîsandiye wiha ye:

	&nbsp;

	Denîz

	&nbsp;

	Kenekî esmer ji dil, bi giyanî&nbsp;

	&nbsp;

	Nêrînek seranser bi hêvî

	&nbsp;

	Dengekî kemanî ya bi dilovanî

	&nbsp;

	Û dilek ji dergûşa medyayê

	&nbsp;

	Te ji me re hişt diyarî

	&nbsp;

	Binêr li ser fikra te ya henûn

	&nbsp;

	Li hev kom bûne heval û hogir&nbsp;

	&nbsp;

	Hêviyê mezin dikin,

	&nbsp;

	Baweriyê geş dikin

	&nbsp;

	Li benda te ne Deniz&nbsp;

	&nbsp;

	De rahêje kemana xwe&nbsp;

	&nbsp;

	Û bistirê newaya azadiyê&nbsp;

	&nbsp;

	Ka rûnê&nbsp;

	&nbsp;

	Evîndar û azadîxwazên welêt&nbsp;

	&nbsp;

	Di jîngehên ku şagirtên wê tu yî

	&nbsp;

	Bi sereneta te ya rêwitiyê&nbsp;

	&nbsp;

	Dibin mest û sermest&nbsp;

	&nbsp;

	Tu dibî vexwînerê heqîqetê&nbsp;

	&nbsp;

	Stêrkan govend gerandin&nbsp;

	&nbsp;

	Di kadizê de

	&nbsp;

	Tu yî vê carê sergovenda vê dîlanê&nbsp;

	&nbsp;

	Destmala kesk, sor û zer&nbsp;

	&nbsp;

	Di destên te de&nbsp;

	&nbsp;

	Û bi navê te olan dide&nbsp;

	&nbsp;

	Denîzek çû û dê werin bi hezaran Deniz&nbsp;

	&nbsp;

	Di strana te de geş dibû agirê jîngehê&nbsp;

	&nbsp;

	Bi hezaran hevalbendên te&nbsp;

	&nbsp;

	Diqêrin navê te&nbsp;

	&nbsp;

	Deniz li vir e, em li vir in Deniz&nbsp;

	&nbsp;

	Dibişirin zarokên qemerî û çavzeytûnî

	&nbsp;

	Cêwîk in mîna jin û berxwedanê&nbsp;

	&nbsp;

	Navê yekê Denîz danîn

	&nbsp;

	Bi ilm û zanîna rojê serî hilanîn

	&nbsp;

	Navê yekê Poyraz danîn&nbsp;

	&nbsp;

	Bi bawerzîn bû ziryan&nbsp;

	&nbsp;

	Dagirkerî ji bin ve hilanî

	&nbsp;

	Denîz ka rûnê, stêrk bila bi strana te bibişire

	&nbsp;

	&nbsp;