
Di lêpirsîna derbarê MEBYA -DER'ê de jinek din hat binçavkirin 

2021-05-24 16:47:39


	&nbsp;

	&nbsp;

	WAN - Di lêpirsîna derbarê MEBYA -DER'ê de keseke din hat binçavkirin. Di çarçoveya lêpirsîna ku di 19'ê Gulanê de hat destpêkirin 15 kes hatin binçavkirin.

	&nbsp;

	Ji aliyê Serdozgeriya Komarê ya Wanê ve di 19'ê Gulanê de di çarçoveya lêpirsîna ku derbarê rêveber û endamên Komeleya Çand, Yekitî, Piştevanî û Alîkariya Malbatên ku Xizmên xwe li Dergûşa Şaristaniyê Winda Kirine (MEBYA-DER) de hatibû destpêkirin keseke din hat binçavkirin.

	&nbsp;

	Hat diyarkirin ku li navçeya Artemêtê ya Wanê li Taxa Suphanê di serdegiritna li malê hat kirin de Halîme Suslu hat binçavkirin û birin muduriyeta polîsan. Hat ragihandin ku nehatiye hiştin Helîme bi parêzerên xwe re jî hevdîtinê bike.&nbsp;

	&nbsp;

	Li gel MEBYA -DER'yan ku dema binçavkirina wan 4 rojên din jî hat dirêjkirin di lêpirsina di heman çarçoveyê de hat destpêkirin hejmara kesên hatin binçavkirin derket 15 kesî.&nbsp;

	&nbsp;

	Li bendê ye ku di 27'ê Gulanê de karê îfadegirtina MEBYA - DER'yan bê destpêkirin.&nbsp;

	&nbsp;

	Kesên hatin binçavkirin navê wan wiha ye: Hevsoroka MEBYA -DER'ê Gulistan Onver, rêveberên Komeleyê Ceyda Dîndar, Mahmut Dîndar, Cîha Aksu, Cevdet Bîlekçî, Îsa Demîragaç, Sureya Azba, Azîze Oner, Nuhî Alici, Savaş Encu, Şevket Kaplan, Halîl Karkoç, Kamuran Çîftçî û Nebî Kaçak, Halîme Suslu.&nbsp;

	&nbsp;

	Herwihaha rêvbera MEBYA -DER'ê ku di nav kesên hatin binçavkirin de bû jî Emîne Şaybak, di 21'ê Gulanê de piştî ku îfadeya wê hat girtin serbest hat berdan.&nbsp;

	&nbsp;

	&nbsp;