
Parêzeran li goristana tupên xwînê lê hatibûn dîtin lêkolin kirin  

2021-05-13 17:44:46


	&nbsp;

	AMED – Parêzerên OHD’yî piştî nûçeya, di beşa goristana bêkesan a li Goristana Yenîkoyê de, tupên xwînê yên veşartî hatin dîtin, çûn cihê bûyerê. Parêzerên li goristanê lêkolin kirin agahî dan rayedaran, da ku pêvajoyên hiqûqî yên pêwîst bidin destpêkirin.&nbsp;

	&nbsp;

	Şaxa Komeleya Hiqûqnasên ji bo Azadiyê ya Amedê, piştî nûçeya li ser malpera ajansa me hatibû weşandin a, di beşa goristana bêkesan a li Goristana Yenîkoyê ya girêdayî navçeya Rezanê ya Amedê, tupên mînaka xwînê yên di bin axê de hatibûn veşartin, hatin dîtin, çûn cîhê bûyerê û li vir lêkolîn kirin.

	&nbsp;

	Parêzara OHD’yî Gulan Çagin Kalelî agahî da ku nêzîkî 100 tup li wir hatine dîtin û wiha axivî: “Hin tup di bin axê de ne. Di hin tupa de jî şilavî heye, di hinakan de şileyî ya zer û di hinakan de jî &nbsp;xwîna hevgirtî heye. Li ser wan nav, mînak, reqemên ATK’ê ya &nbsp;aîde sala 2015-2016’ê dinivîsi. Me li vir lêkolin kir. Ji bo pêvajoyên hiqûqî yên pêwîst bidin destpêkirin me agahî da rayedaran.”&nbsp;

	&nbsp;

	Piştî agahiye ekîbên polîsan hatin cîhê bûyerê tupên xwinê kom kirin agahî dan ku derheqê mijarê de lêkolin bê destpêkirin.&nbsp;

	&nbsp;

	Dema sibehê welatiyên bi boneya Cejna Remezanê goristan ziyaret kirin, ev tupên xwînê dîtin. Li ser &nbsp;tupên xwînê navê Elî Demîr, Ridvan Aksu, Ararat Unal, Gurbet Ergun, Medine Osman, Yusu Îpeksat, Mehmet Zahît O., Seyîthan Aydin, Kadîr Demîryûrek, Serdar Cengiz, Bilmez Koç, Çekdar A. û &nbsp;Sozan, Ayran û Eroglu yên paşnavên wan ne diyar in dinivîse.&nbsp;

	&nbsp;

	Her wiha li ser tupan CBS (Serdozgeriya Komarê) a Elîh, Amed, Mîdyad Merdîn, Farqîn dinivîsin. Bi dehan tup deforme bûne.&nbsp;

	&nbsp;

	&nbsp;