
Li Mexmûrê cejnê bi serdana goristanan dest pê kir  

2021-05-13 09:07:25


	&nbsp;

	&nbsp;

	MEXMÛR - Cejna Remezanê li Wargeha Şehîd Rustem Cudî (Mexmûr) bi çûyîna ser goristanên pakrewanan dest pê kir.

	&nbsp;

	Li Wargeha Şehîd Rustem Cudî cejna Remezanê ji berbanga sibehê de li mizgefta wargehê dest pê kir û piştî nimêja cejnê gel bi girseyî çûn ser gorên pakrewanan. Piştî goristanê gel bi heman awayî çûn cejna Saziya Malbatên Şehîdan û li wir jî li ser navê girseyê Mamoste Mele Şîrîn Çetîn axivî.&nbsp;

	&nbsp;

	'Cejna tê wateya aştiyê'

	&nbsp;

	Li ser navê Yekîtiya Oldarên Mexmûrê Mamoste Mele Şîrîn Çetîn cejna tevayî mirovatiyê pîroz kir û got:"Cejin roja ku mirov di nava xweşiyê de bijî û derbas bikin. Lê sed caran mixabin di vê rojê de ew kesên ku xwe weke misilman bi nav dikin li cihê rehmê û edaletê, kîn û qetlîamê dimeşînin. Zarokên me li hemberî zalimê xwînxwar di nava şerekî dijwar de ne. Dema mirov temaşe dike rastiya ol li ku derê ye û ev mirovên xwînxwar li ku derê ne. Em ê li beramberî van xwînxwaran xwe dilxweş û kêfxweş bikin ji ber ku em dixwazin ev şer nebe û heqê vê rojê bê dayîn. Weke yekgirtiyên oldarên Wargeha Şehîd Rustem Cûdî em xêrhatina we dikin, cejna Rêber Apo, cejna tevayî şervanên leheng û cejna we tevan pîroz be."

	&nbsp;

	Merasîma Cejna Remezanê bi dirûşmên "Bijî Serok Apo", "Bê Serok jiyan nabe" bi dawî bû.

	&nbsp;