
Polîsan êrişî jinên ku li Taksîmê çalakî pêk dianîn, kirin

2021-05-11 16:29:24


	&nbsp;

	&nbsp;

	STENBOL - Însîyatîfa Em Dixwazin Bijîn bi minasebeta salvegera &nbsp;10’emîn a Peymana Stenbolê li Qada Taksîmê çalakî pêk anî. Di çalakiyê de 3 jin bi lêdanê hatin binçavkirin.

	&nbsp;

	Li gelek bajarên Tirkiyeyê çalakiyên rêxistinên jinan ên bi minasebeta salvegera 10’emîn a Peymana Stenbolê tên kirin, berdewam dikin. Însîyatîfa Em Dixwazin Bijîn li Qada Taksîmê çalakî pêk anî. Di çalakiyê de panqarta “Em dev ji Peymana Stenbolê bernadin” hat vekirin.

	&nbsp;

	Jinan ji polîsên ku xwestin pankartê hilînin pêşîya çalakiyê bigirin re bertek nîşan dan û gotin: “Dema jin dihatin qetilkirin hûn li ku derê bûn.” Her wiha jinan li dijî qedexeyan ji polîsan re gotin ku ew destûra wan nas nakin.

	&nbsp;

	Di vê navberê de jinan bertek nîşanî polîsên ku pankart çirandin dan. 3 jin ji aliyê polîsan ve bi lêdanê hatin binçavkirin. Jinan dema ku polîsan ew birin wesayîta binçavkirinê &nbsp;dirûşmên “Em bêdeng namînin, em natirsin û em serî natewînin” berz kirin.

	&nbsp;

	&nbsp;&nbsp;